Enriquez naka-'Four Peat' sa CEPCA Tourney

CEBU, Philippines — Si Rogelio Enriquez Jr. mikumpleto og makasaysayanong four-peat sa tinuig nga torneyo sa Cebu Executives and Professionals Chess Association niadtong Domingo didto sa panimalay ni CEPCA President Engr. Jerry Maratas sa Cebu Royal Estate sa Consolacion, Cebu.

Atol sa grand finals nga gibansagan og "Battle of Champions", ang 46-anyos nga si Enriquez nga maoy head coach sa University of San Jose-Recoletos (USJ-R) chess varsity team, miposte sa kinatas-ang iskor nga 10.0 points aron sakmiton ang titulo sa ikaupat ka sunod-sunod nga tuig.

Mipahiluna sa ikaduhang dapit si Dominador Salazar Jr. uban ang 9.0 puntos, samtang sila si Neal Amores, Percival Fiel ug Joselito Loquez miokupar sa ikatulo hangtod sa ikalimang luna bitbit ang 8.0 puntos matag usa.

Naglangkob sa top 9 mao sila si National Master Arnold Cadiz, Mario Bustillo, Joel Atillo ug Edilberto Velarde with 3.0 points.

Sa non-qualifiers, si Ruel Hortelano maoy naghari uban ang 5.0 puntos ug gisundan kini nilang Ramil Fernandez ug Jonathan Canque nga mirehistro og 3.5 puntos.

Nalakip sa top 5 mao sila si Armando Baria ug Vince de la Torre nga dunay 3.0 puntos matag usa.