Cabagnot: San Miguel Beermen nasuwertihan lang gyud nanulod ilang mga itsa
CEBU, Philippines — Ang team captain sa San Miguel Beermen nga si Alex Cabagnot nagkanayon nga nasuwertihan lang gyud sila nga nanulod ang ilang mga itsa mao nang nakabawos sila og lubong sa Barangay Ginebra Kings niadtong Domingo sa gabii.
Human naangklahan ngadto lamang sa singko puntos sa Game 1 sa PBA Commissioner’s Cup Finals Sunday, si Cabagnot mirapido og career-high 33 puntos hinungdan nga ila dayong gitabla ang best-of-seven series sa baraha nga 1-1.
Nagkayo na daan ang opensa ni Cabagnot sa sayong bahin sa duwa. Mikadlit siya og 10 puntos sa unang kuwarter ug midugang og 12 puntos sa sunod nga kuwarter alang sa kinatibuk-ang 22 puntos sa first half.
Nagpadayon ang iyang kainit aron paghipos og dugang siyete puntos sa ikatulong kuwarter.
Gipalamian pa ni Cabagnot ang eksplosibo niyang salida pinaagi sa pagpasa og siyam ka assists, upat ka rebounds ug upat ka steals. (BANAT NEWS)
- Latest