Diskriminasyon

Hugyaw nga Domingo mga KaBisChika! Usa na pud ka Domingo ang atong saw-an para sa mga Showbiz Chika! Sa dili pa ang tanan naa lang kay opinyong nga ipabuhagay kabahin sa atong mga kauban sa LGBT Community. Ang BisChika man gud kay kining usa ka Diva duna’y kliyente nga ni inquire niya for a show. Pila ma’y istorya sa mga mahitabo during the show ug talent fee. Kining iyang kliyente kalit lang ni lenggua nga mangayo ug discount sa talent fee kay ang rason maka boang… “mga bayut bitaw mo” hala noh? Unsay problema nimo sa mga bayut? Unsay pagtuo nimo sa mga performers nga mga bayut ang tiyan kay di gutomon? Ang problema man gud aning ubang mga kliyente kay tungod mga yadz (bayut) sayun sayunon na lang gyud dayun. Maayo na lang kay wala gyud tagai ug discount sa performer sa kliyente nga ni inquire kay parehas nako nisurok usab ang iyang dugo nga verde! Next time adto na pud kuno mo sa tomboy? Jokeeee! Ari kita sa good news para sa mga miyembro sa LGBT community, karung adlawa, alas sais sa hapon kay ipahigayon ang pinakaunang Mandaue Pride March magtapok ang mga grupo didto mismo sa atubangan sa Mandaue City hall , adunay mga grupo nga gikan sa Cebu City, Lapu-Lapu City, Naga City , Car Car City ug mga nagkalainlaing barangay sa Mandaue City, apil na usab niini ang mga naa sa BPO industry. Support kaayo ko niini labi na nga kini magpakita sa atong pagkakita ! Congratulations to Atty. Regal Oliva the mother of all LGBT Community sa imong pagmugna ani nga event!

Speaking of event, sa unang higayon nitikang ang among team sa Ormoc City para sa Kapuso Mall Show featuring the cast of Hindi Ko Kayang Iwan Ka nga silang Martin Del Rosario ug Yasmien Kurdi, anaa usab ang cast sa Onanay nga si Mikee Quintos. Gidumog ang Gaisano Capital Riverside Mall sa mga Kapusong Ormocanon ang maong mall show. Siyempre, ang GMA-7 supports local talents, ang nag-open sa show kay ang Astrophiles Family Dancers – dance group nga taga Ormoc City! Pagkahuman kay nanghatag ug mga papremyo pinaagi sa mga games nga among giandam para nila. Human sa mga paduwa, unang nilugwa ang Kapuso young star nga si Mikee Quintos nga nahibaw-an namo nga ang iyang family kay gikan sa Javier, Leyte. O di ba Hugyaw!!!! Sunod nga nihalad ug kanta kay si Martin del Rosario nga game kaayong nanaug sa stage ug niduol sa iyang mga fans. Gani, duna pa kini gipasaka on stage nga miyembro sa taga LGBT community nga best in hugs, kiss, selfie nga halos siya na lang ang naa sa stage. Pagkasunod na kay si Yasmien Kurdi nga gikanta gyud niya ang themesong sa Hindi Ko Kayang Iwan Ka,   “ nakakataba ng puso na ang mga audience ay sinasabayan ka sa pagkanta “ lenggua pa ni Yas. Nanaug usab kini sa stage ug giduol ang mga fans nga naghuwat gyud nila. Abi nako pagkahuman sa selfie with the audience, okey na, human na ang show. Oi unsa ba pagkahitaboa nga manayaw mi sa music sa Momoland ang Boom Boom! Nalingaw ko kay best in dance akong beauty kauban ang mga artista. Gihangak ko oi! Hahhahahaha!  Salamat kaayo mga Kapusong Ormocanon!

Ayaw ninyo sipyata karung June 28 alas kwatro sa hapon, kay adunay ipahigayon nga Kapuso Mall Show sa Robinsons Place Ormoc kauban silang Rocco Nacino, Benjamin Alves,Jeric Gonzales ug Klea Pineda.

Motikang na usab ang among team karung June 29 alas kwatro sa hapon para sa usa ka Kapuso Mall Show sa Robinsons North Tacloban kauban ang cast sa Inday Will Always Love You nga silang Barbie Forteza, Derrick Monasterio, Juancho Trivino, Kim Rodriguez ug Kimpoy Feliciano.