Managsuong pagara nagpanikad sa 'Pinoy Pride 44'
Emmanuel B. Villaruel (Banat) - June 6, 2018 - 12:00am

CEBU, Philippines – Ang managsuong 'Prince' Albert ug Jason 'El Niño' Pagara nagpanikad nang mopakita sa ilang abilidad atubangan sa ilang mga katagilungsod sa Pinoy Pride 44 karong Hunyo 9 didto sa Maasin City gym sa Leyte.

Nilang duha, si Albert (29-1, 20KOs) mao ang dunay mas bug-at nga misyon sa iyang pakigharong batok ni Laryea Gabriel Odoi (20-3-2, 14 KOs) sa Accra, Ghana alang sa WBO Intercontinental super bantamweight title.

Matud pa ni Albert nga iyang buhaton ang tanan aron moiskor og impresibong daog batok ni Odoi kay tataw nga makapabuhi kini og balik sa iyang ambisyon nga makaaway og world title sa umaabot.

Hayag na unta ang dalan ni Albert ngadto sa iyang damgo, apan daw sa nahugno ang iyang kalibotan human siya nakatilaw sa labing unang pilde sa iyang karera sa dihang gipatikangkang siya sa Mehikanong si Cesar Juarez sa ikawalong hugna duha ka tuig na ang milabay.

Dali hinuon nga nakabawi si Albert pinaagi sa pagkulit og duha ka sagunson nga daog, apan ang resulta sa away nilang Odoi maoy modeterminar sa ugma nga nagpaabot kaniya.

Ang maguwang ni Albert nga si Jason Pagara susama sab og tinguha kay bout niining mobalik sa world rankings.

Si Jason Pagara gipayaka sa ikaunom nga hugna sa wa'y pildeng Hapon nga si Hiroki Okada sa ilang WBO Asia-Pacific super lightweight championship bout niadtong Disyembre sa miaging tuig didto sa Tokyo, Japan. Sa iyang pagkatkat og balik sa ring, si Jason makigsangka ni  Wellem Reyk (19-18-4, 5 KOs) sa Bogor, Indonesia sa usa ka tune-up match alang sa mas dagkong away sa umaabot.

PINOY PRIDE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with