Sunsport basketball camp Level 2 sa Mayo 2

CEBU, Philippines – Ang advance kon Level 2 sa 25th Sunsport Basketball Training Camp gikatakda nga mosikad karong Mayo 2 diha sa Sacred Heart Center Sports Club sa  D. Jakosalem st., dakbayan sa Sugbo.

Ning puntoha, si camp director Jojo Romarate nagkanayon nga ilang tudloan ang ilang mga estudyante sa teknikal nga aspeto sa pagduwa og basketbol sama sa saktong posisyon sa   pagdepensa   ug   ingon man  paglusad og opensa, hapsay nga komunikasyon sud sa korte ug uban pa.

Sama sa beginners level, dunay duha ka hugna sa training session matag Lunes hangtod sa Biyernes sa alas-8 hangtod sa alas-10 sa buntag alang sa mga nag-edad og siyete hangtod sa 11 anyos ug alas-10 sa buntag hangtod sa alas-12 sa udto alang sa mga nag-edad og 12 hangtod sa 19 anyos.

Ang entry fee nagkantidad og P1,500, apil na niini ang Sunsport basketball 2018 edition, jersey, shoe bag ug shirt.

Mahimong i-download ang registration form sa www.sunsportball.com.

Alang sa dugang detalye, kadtong mga interesado mahimong mokontak sa  Sunsport office (345-1015 ug 0922-8377712) o dili ba ni coach Jojo (0923-869-7421).