Celtics namawi, gipanitan ang Sixers

CEBU, Philippines — Mipabuhagay og 36 puntos si Kyrie Irving   alang sa Boston Celtics nga  mipilde sa  Philadelphia Sixers, 108-97 sa NBA kagahapon didto sa TD Garden sa Boston, Massachussets.

Maayo sab ang salida ni Al Horford nga mibahog og 21 puntos, walo ka rebounds ug lima ka assists, si Marcus Morris miiskor og 17 puntos, samtang si Jayson Tatum midugang og 15 puntos alang sa Celtics nga pabiling naghari sa liderato sa Eastern Conference bitbit ang 19-4 record.

Sila si Irving ug Morris milusad og 17-7 run sa naghinapos nga bahin sa duwa nga maoy nagsilyo sa kadaogan sa Celtics.

Si Dario Saric mitali og 18 puntos alang sa Sixers nga nakatilaw sa ikasiyam nilang pilde sa 21 ka duwa. (BANAT NEWS)