SMB Beermen daog gyud sa overtime
Yoyo R. Abayan (Banat) - March 16, 2017 - 12:00am

fCEBU, Philippines - Nangayo pa og dugang singko minutos kon overtime ang San Miguel Beermen una nila maangkon ang tungason nga kadaugan batok sa Queen Capella Security Agency, 92-91 sa United Barkadahan Basketball League (UBBL) First Conference niadtong Martes didto sa Wireless Sports and Cultural Complex sa Subangdaku, dakbayan sa Mandaue.

Si Vergel Penetrante maoy labing kuyaw nga nakaduwa ug wala gyud kini mobahar gikan sa pagsugod hangtod sa katapusang gutlo.

Nangigo og maayo si Penetrante ug wala sab kapugngi sa ilawom aron moiskor og 55 puntos, lakip ang lima ka triples.

Laing nakahimo og maayong performance sa Beermen mao sila si Anacie Lavandero nga mitagay og 15 punots, Nico Mira nga adunay 12 puntos ug Anthony Aniñon sa iyang 10 puntos.

Ang Queen Capella nga adunay 1-3 record gipangulohan ni Elmer ‘Merz’ Laurente nga mikapkap og 29 puntos, samtang natakdan sab sa iyang kamangtas si Gene Panindum nga miambit og 28 puntos.

Human sa 31-33 nga biya sa halftime, ang Beermen mi-rally dayon sa third period aron pag-ilog sa momentum, 53-49 ug niadtong higayona sila na ang midiktar sa duwa.

Milabaw og balik ang Queen Capella sa lusot ni Laurente, 77-75  sa nahabiling 22 segundos, apan dali sab nga nakatabla ang Beermen, 77-all hinungdan sa overtime.

Sa dugang singko minutos, padayong nagsinukliay og mga puntos ang duha ka kampo, apan ang Beermen maoy nakalahutay ug mikawat sa daog.

Sa laing duwa, si Jeffrey Perater miburak og 25 puntos sa Direct Global Online Solutions nga mipukan sa Grand Land, Inc., 76-61.

Si Popo Nieves mipupo sab og 14 puntos, samtang si Joshua Tubo miligwat og 12 puntos sa Direct Global ni playing team manager Mark Sanchez.

Tulo sab ka players sa Grand Land, Inc. ni Ryan Go ang miiskor og double digits.

Si Gerald Brigoli mikandos og 18 puntos, gisundan ni Jaime Solinap Jr. nga mihakot og 11 puntos ug Bucabal nga mihabwa og 10 puntos.

Puntos matag usa

Unang duwa:

BEERMEN (92) – Penetrante 55, Lavandero 15, Mira 12, Aniñon 10.

QUEEN Capella (91) – Laurente 29, Panimdum 28, Hingpit 8, C. Englis 8, F. Englis 6, Zabate 5, Superman 4, Damzka 3.

Ikaduhang duwa:

DIRECT Global (76) – Perater 25, Nieves 14, Tubo 12, Ares 6, Lopez 5, Demape 4, Orales 4, Mahidlawon 4, Muñez 2.

GRAND Land, Inc. (61) – Brigoli 18, Solinap 11, Bucabal 10, Compacion 8, Megabon 8, P. Bucabal 4, Ecoy 2. (BANAT NEWS)

 

SMB BEERMEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with