Cebu usa sa host sa PBA All-Star

CEBU, Philippines - Tulo ka siyudad lakip na ang Sugbo ang nauyonan sa mga kadagkuan sa PBA nga mo-host sa 2017 PBA All-Star.

Ang highlight sa All-Star games mao ang exhibition matches tali sa PBA selection batok sa mga sakop sa Gilas Pilipinas 5.0 nga nangandam alang sa SEABA Cup sa Mayo.

Unang ipahigayon ang All-Star sa Abril 26 didto sa Cagayan de Oro City, sundan sa Lucena City sa Abril 28 ug katapusan   ang sa Cebu sa Abril 30 sa wala pa masayring binyu.

Bugtong ang exhibition game tali sa PBA selection ug Gilas ang masaksihan sa Cagayan de Oro ug Cebu tungod kay ang three-point shootout ug slam dunk contest adto man himuon sa Lucena City.

Gawas nga makatabang kini sa preparasyon sa Gilas Pilipinas, gituyo sa PBA nga katulo ipahigayon ang exhibition game aron  mahatagan og kalingawan ang mga fans dili lang ngadto sa Luzon, apan lakip na sa Visayas ug Mindanao. (BANAT NEWS)