Cavs, Spurs nangapilde
Gabby G. Malagar (Banat) - March 8, 2016 - 9:00am

CEBU, Philippines - Laing upset ang nahitabo sa NBA kagahapon dihang parehong midaog ang mga underdogs batok sa mga teams nga mas taas og standings sa National Basketball Association sa managlahing binyu.

Ang undermanned Memphis Grizzlies midaog batok sa host Cleveland Cavaliers, 106-103  didto sa Quicken Loans Arena, samtang midaog sab ang Indiana Pacers batok sa San Antonio Spurs, 99-91 didto sa Bankers Life Fieldhouse.

Miiskor og season-high 26 puntos si Tony Allen aron pangulohan ang Grizzlies, kinsa  aduna na karo’y 38-25 nga baraha ug maoy ikalima nga team sa Western Conference, samtang   ang  Cavs   mao gihapon ang no. 1  sa Eastern Conference sa ilang 44-18 win-loss record.

Matawag kadto og usa ka dakung upset tungod kay wala makaduwa alang sa Grizzlies ang ilang upat ka starters nga silang Marc Gasol, Zach Randolph, Mike Conley ug Matt Barnes kinsa pulos adunay piang. Wala sab makaduwa si Chris ‘The Birdman’ Andersen.

Ang free throws sa beteranong si Vince Carter sa katapusang 13.4 segundos maoy nagselyado sa kadaugan sa Memphis. 

Si Lance Stephenson midugang og 17 puntos ug si JaMychal Green mitampo’g 16 puntos uban ang 10 ka rebounds. 

Ang napildeng Cavs  gipangulohan ni LeBron James, kinsa miposa og  28 puntos, apan nakahimo siya’g season-high nga 25 ka turnovers. Si Kyrie Irving midugang og 27 puntos diin 14 niini didto sa fourth period. 

Si James milabaw na sab karon ni Hall of Famer John Havlicek ngadto sa ika-13 sa NBA career scoring list.  Hapit na sab siya moapas ni Dominic Wilkins alang sa ika-12 nga puwesto sa scoring list.

Ang Grizzlies nag-atubang og dakung tahas didto sa Cleveland, apan wala sila batia’g kahadlok. 

Didto sa Indianapolis,   si Monta Ellis miposa og 26 puntos ug   si Paul George adunay 23 puntos aron pangulohan ang opensa sa Pacers, kinsa mipakgang sa walo ka sunod-sunod nga daog sa Spurs.

Mao  kadto ang ikaduhang daog sa Pacers sa ilang 17 ka engkuwentro  batok sa Spurs sukad niadtong 2008. 

Silang Kawhi Leonard ug LaMarcus Aldridge maoy nangu sa Spurs sa ilang 23 puntos matag usa. 

Ang Spurs napilde tungod kay wala ang ilang  head  coach nga si Gregg Popovich nga matud pa adunay giatiman nga “family medical situation.” Gumikan niadto, gipahimuslan sa Pacers ang higayon tungod kay dihang wala si Popovich, dili sab parehas sa naandang duwa ang gipakita sa Spurs. (BANAT NEWS) 

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with