Raptors nadiskaril sa Pistons
Gabby G. Malagar (Banat) - February 29, 2016 - 9:00am

CEBU, Philippines - Gipahimuslan sa Detroit Pistons ang wala pagduwa ni Kyle Lowry uban  sa Toronto Raptors aron moiskor og 114-101 nga kadaugan sa duwa nila  sa NBA kagahapon didto sa The Palace of Auburn Hills sa Michigan.

Si Andre Drummond miiskor og 15 puntos ang milangkat og 18 ka rebounds alang sa Pistons nga miputol sa four-game winning streak sa Raptors.

Ang double-double ni Andre Drummond  maoy iyang ika-13 karon nga season ug maoy labing taas nga streak sa iyang career. 

Gihatagan sa Raptors og pahuway si Lowry sa labing unang higayon karon nga season human sa iyang career-high 43 puntos batok sa Cleveland Cavaliers.  

Ang Pistons aduna na’y 31-29 nga baraha ug nakig-ilog alang sa ikapitong puwesto sa Eastern Conference playoffs berth tali sa Charlotte Hornets  (30-28) ug Chicago Bulls  (30-28). 

Nagtabla ang Detroit ug Toronto sa halftime sa 52-all sa wala pa magmangtas ang Pistons aron molabaw og 37 puntos didto sa third quarter. Ang tanang lima ka starters sa Pistons pulos  miiskor og double figures. 

Si Terrence Ross maoy nangu sa Raptors nga mipabuhagay og 27 puntos. 

Ang Pistons mihimo’g season-high 58 percent nga field shooting ug mipakita silang tanan sa ilang kakugi didto sa third period dihang misulod ang 14 sa ilang 18 ka tirada aron molabaw sa iskor, 89-72 didto sa fourth quarter. Mihimo sab ang Pistons og season high-tying nga 28 ka assists ug mihimo’g 12 sa ilang 23 ka three-point attempts. 

Si Reggie Jackson mitampo’g 19 puntos  ug may walo ka assists alang sa Pistons, samtang si Kentavious Caldwell-Pope midugang og 16 puntos.  Silang Tobias Harris ug Marcus Morris parehong miamot og 14 puntos.   (BANAT PALARO)

 

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with