Duha ka sugbuanong karatekas misidlak sa dakbayan sa Bacolod
CEBU, Philippines - Ang duha ka Sugbuanong martial artists nga sila si Gwenjade Ponteros ug Nino Kime Avila misalida og maayo aron pagtabang sa Team ASK nga malangkat ang kampiyonato sa 2016 Bacolod Team K Series Karate Championships niadtong weekend didto sa dakbayan sa Bacolod.
Si Ponteros, varsity player sa University of the Visayas, mihakot og tulo ka bulawang medalya pinaagi sa kumite sa seniors division ug ingon man sa -55 kgs. ug team kata.
Samtang ang nuybe anyos nga si Avila naka-gold sab sa kata event sa iyang dibisyon.
Gumikan kay duha lamang sila ka buok gikan sa Sugbo, si coach Larry Avila nakahukom nga iapil na lang sila si Ponteros ug ang iyang anak nga si Nino ubos sa Team ASK-Bacolod.
Inabagan sa mga Sugbuanon, ang Team ASK-Bacolod maoy milabni sa overall title human mikabkab og 13 ka gold, lima ka silver ug upat ka bronze medals. (BANAT PALARO)
- Latest
