CEI vs Alin sa BOC Friendship Cup finals
Gabby G. Malagar (Banat) - December 20, 2015 - 9:00am

CEBU, Philippines – Nasakmit sa CEI Brokers ang ikaduhang luna sa finals human sa ilang 77-55 nga kadaugan batok sa MP Brokers sa usa ka pisikal nga duwa diin nagkainitay silang Chris Fernandez sa CEI  ug Dandan Enriquez sa MP kaniadtong Huwebes sa gabii sa kataposang adlaw sa semifinals sa BOC Friendship Cup Christmas League basketball tournament didto sa barangay Tinago gym, ning dakbayan.

Sa sayo pa, midaog ang Alin Customs Brokerage batok sa Duke-SRBC pinaagi sa forfeiture alang sa 3-0 semis record.

Didto magsugod og kainit silang Fernandez ug Enriquez sa kataposang 2:35 ang oras sa fourth quarter diin naglabaw og 19 puntos ang CEI, 72-53. Parehong na-ejected silang Fernandez ug Enriquez sa maong duwa.

Dihang nahuman na ang duwa ug naglamanuhay na ang mga players isip pagpakita sa ilang sportsmanship, nasukmagan gyud ni Enriquez si Fernandez didto mismo duol sa bench sa CEI ug misangpot sa ginukdanay sa mga players.

Nahusay ang maong kasamok sa Waterfront Police Station dihang nagpatawag og pulis si Tinago barangay captain Joel Garganera kinsa didto sa gym nag-abi-abi sa iyang bisita nga si kanhi kongresista Pablo John Garcia.

Taud-tud unang nahuwasan sa iyang kalagot si Garganera kinsa mibasol sa mga nag-away nga players nga "disturbing the peace and order"sa iyang barangay ug wala man magtuo ang mga team owners ug mga coaches sa matag kampo ug mga referees ug ingon man ni BOC president Ryan Barral nga mao kadto'y mahitabo, igo na lang sa pagmaymay uban sa panghinaut nga dili na unta kini mausab sa umaabot nilang lega.

Maoy magtakos ugma alang sa knockout finals ang pre-tournament favorites nga CEI batok Alin samtang maoy mag-ilog sa ikatulong pwesto ang SBRC ug MP.

Sa sayo pa, miaksyon sab kainit silang Tata Laborte sa CEI ug Glenn Pendang sa MP nga nagpamatuod kung unsa ka determinado ang duha ka teams nga moabante sa finals.

Si Jojo Solitario maoy nangu sa CEI sa iyang 19 puntos samtang midugang og 14 puntos si Kerker dela Cerna.

Ang MP gipangulohan ni Glenn Pendang kinsa mihakot og 15 puntos.

Puntos matag usa:

CEI  (77) —  Solitario 19, Dela Cerna 14, Sealana 7, N. Laborte 6, C. Bantulay 6, Munez 5, R. Bantulay 5, T. Laborte 4, Moral 4, Agpalo 3, Fernandez 2.

MP (55) — Pendang 15, Enriquez 7, Elloren 6, Sumalinog 6, Jadraque 5, Pangue 3, Amistoso 3, Villacastin 3, Bensi 3, Medalle 3. (BANAT NEWS)

ALIN CUSTOMS BROKERAGE ANG BANTULAY CEI CHRIS FERNANDEZ DANDAN ENRIQUEZ DELA CERNA ENRIQUEZ FERNANDEZ GLENN PENDANG NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with