_banat
^

Casimero milampos pagdepensa sa bakus

Lemuel P. Maglinte (Banat) - October 28, 2013 - 12:00am

CEBU, Philippines - Napanalipdan ni IBF light flyweight champion Johnreil Casimero ang iyang bakus pinaagi sa 11th round TKO batok sa  Mehikano nga si Felipe Salguero niadtong Sabado sa gabii didto sa Makati Coliseum.

Sa taho sa boxingscene.com, si Casimero mipakita sa iyang labaw sa kusug ug kapaspas dihang gipatumba niya si Salguero sa makaduha ka higayun sa wala pa niya kini hingpit nga gitapos sa ika-11 nga round.

Usa ka kusug nga left right combination ang gipasulod ni Casimero ngadto sa depensa ni Salguero kinsa naigo sa ulo ug mibarag sa wala pa niluhod ibabaw sa ring nga maoy nakapaaghat ni referee Wayne Hedgepeth nga undangon ang away.

Sa maong kadaugan si Casimero mipalambo sa iyang record ngadto sa 19-2, 11KOs, samtang si Salguero nakahiagum sa iyang ikalimang pilde sud sa 24 ka professional fights.

Mahinungdanon kini nga kadaugan ni Casimero tungod kay kini ang labing una niyang title defense dinhi sa nasud.

Sa supporting bout sa fight card nga gipasiugdahan sa MP Promotions ni ring superstar Manny Pacquiao, si Filipino featherweight contender Michael Farenas (36-4, 28KOs) mikulata ni Thai Kosol Sor Vorapin (17-17, 11KOs), samtang si undefeated flyweight Froilan Saludar midaog pinaagi sa decision batok ni Sorthep Sor Von Krungthep. (BANAT NEWS)

CASIMERO FELIPE SALGUERO FROILAN SALUDAR JOHNREIL CASIMERO MAKATI COLISEUM MICHAEL FARENAS SALGUERO SORTHEP SOR VON KRUNGTHEP THAI KOSOL SOR VORAPIN
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with