^

Casimero way gikahadlokan

Lemuel P. Maglinte (Banat) - March 22, 2013 - 12:00am

CEBU, Philippines - Mipasalig ang Sugbuanong promoter nga si Sammy 'Don King' Gello-ani nga buhaton niya ang tanan alang ni IBF light

flyweight champion Johnriel 'Quadro Alas' Casimero, kinsa nangandoy nga dinhi sa Pilipinas ang sunod niya nga

pagdepensa sa iyang bakus.

 Si Casimero nahibalik   na dinhi sa nasud kagahapon gikan sa malampuson niyang pagdepensa sa iyang bakus

batok ni Panamanian challenger Luis Alberto Rios pinaagi sa "unanimous decision" niadtong Domingo didto sa Panama.

 Kini ang ikaduhang  title defense sa 22-anyos nga boksidor human niya  kini mapanalipdi niadtong Agosto

batok ni Pedro Guevara didto sa Mexico City.

 "Ako gyud na nga paningkamotan nga anhi sa nasud sunod modepensa sa iyang bakus si Johnriel," matud pa ni

Gello-ani atol sa  press conference kagahapon didto sa Parkmall.

 "Akong plano paawayon siya pagbalik sa June or July batok sa usa ka Latino fighter," dugang pa niya.

 Nagkanayon si Gello-ani  nga angay nga moaway si Casimero dinhi sa nasud human sa lisud nga mga

pagsuway niini sa pagsakmit sa world title.

 Kahinumduman nga si Casimero miangkon sa IBF title human sa iyang 10th round TKO batok ni Argentinian

Luis Alberto Lazarte niadtong Pebrero sa miaging tuig didto sa Argentina.   Nabaniog ang maong

away dihang mitumaw ang "lamok-lamok" human giataki ang kampo ni Casimero sa mga masuk-anong fans ni Lazarte.

 Dugang pa ni Gello-ani sa SGG Sports Promotion, nga sugdan niya ang pakigsabot-sabot sa mga television

station dinhi sa nasud aron motabang kaniya sa pagpahigayon sa away ni Casimero dinhi sa nasud.

 Sa iyang bahin, si Casimero miingon nga wala siya'y problema sa padayon nga pagsulong sa ubang nasud, apan

alang kaniya importante  usab ang pagdepensa sa iyang bakus atubangan sa iyang mga pamilya ug fans.

 "Andam ko moaway bisan asa, pero nindot sab unta kun moaway ko dinhi sa Pilipinas aron makakita sab ako

pamilya ug mga fans," matud pa ni Casimero. (BANAT NEWS)

CASIMERO DON KING GELLO IYANG JOHNRIEL LUIS ALBERTO LAZARTE LUIS ALBERTO RIOS
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with