Nagka-grabe problema sa basura

Sa atong giingon sa una natong mga lindog, ang atong mga paningkamot pag-sulbad sa suliran sa basura, naapsan, na-over-taken sa population explosion, kon pagdaghan sa mga molupyo sa dakbayan, nga consequently, nakadugang sa pagdaghan sa basura.

Hangtud nga sa atong pagsulat nini, wala nay nisalmot sa mga bidding nga gi-schedule sa city hall, gumikan sa kahadlok tingali nga dili na nila kaya ang pag-tackle, or pag-address sa grabe ug rigorous garbage problem.

Hinaut nga sa inyong pagbasa niini, duna nay nisalmot sa subsequent nga mga bidding, kon duna man. Meantime, antuson lang una nato ang ka-daku sa gasto sa pag-haul ug pag-dispose sa atong waste didto sa Aloguinsan.

Matud ni Kenneth Siasar, Chief of Staff sa Buhatan ni Mayor Nestor Archival, ang dakbayan, nag-generate og basura ofabout 700 tons daily (daghana, no?), although ang 40 to 50 tons niini ilang gi-divert ngadto sa eco-stations sa dakbayan.

Ato na usab hisgutan ang Singapore. “Singapore is clean, green and disciplined.” Limpiyo ba ang Cebu City, nga ang mga main streets ra man ang gipanindot? Green ba, nga pulos na man semento ang atong makita. Disciplined ba? Dinhi gikinahanglan ang participation ug cooperation sa mga molupyo sa sa dakbayan, otherwise, we can never make Cebu City clean, green and disciplined.

By the way, nitubag na ba ang Environmental Management Bureau-7 ngano nga wala silamotambong sa executive session pagtoki sa sulian sa basura? Kon nitubag na, very good.

Ug nia pay laing by-the-way. Kon nagdamgo pa sila pag-operate balik sa Binaliw landfill, they’re dreaming an impossible dream. Unless mo-take sila sa full risk ug responsibilidad, kon simbako, God forbids, mahitabo pag-usab ang makalilisang nga trajedy sa Binaliw landfill.

Ug niay maayong balita, napatik saThe Freeman: “Japanese firm to study Cebu City’s waste crisis.” Interesado kono kaayo ang Hapon niini, nga kon madayon, matud ni Archival, "This study marksacrucial milestone that will open doors to grant opportunities and international funding, bringing us closer to long-term solutions for our city’s garbage crisis.”

Makapahulay na unya kita paghingos sa baho sa basura, ug sa pag-tutok ug pag-stare sa nagpasad nga nagkalata nga hugaw.

Ang maong pribadong kompaniya sa Japan (specializing in waste-to-fuel recycling)ang mo-conduct og full feasibility study sa atong Eco-Station dinhi.

Gi-described sa google unsa kining-echo-station, kay hasta ko, wa’a usab mahibawo unsa ni:

“Cebu City’s eco-station is a sustainable waste processing facility at the South Road Properties (SRP) designed to turn garbage into useful resources and reduce the amount of trash sent to landfills.”

Gi-launched kini sa niaging Hunyo niining tuiga, “to handle mounting garbage disposal problems and lower expensive daily hauling costs.”

Bunga kini sa pagduaw ni Archival sa Yokohama, diin tapus sa iyang pag-presentar sa segregation problem sa atong dakbayan, ug bahin sa gi-established nga Eco-Station, angGUUN Co., Ltd., nagpakita’g interest pag-conduct sa maong feasibility study dinhi sa Sugbo.

“Dako kaayo akong pasalamat sa atong mga partners for recognizing our efforts and believing in our vision for a cleaner, greener Cebu City,” nagkanayon si Archival.

Mag-huwat lang ta sa sunod nga kabanata.