Panghipos

Sa akong pagtagik ning maong lindog nahimo akong busy sa mga formalities agi’g pagpangandam alang sa turnover ngadto sa bag-o nga administrasyon. Nunot usab niini ang padayon nga pagpanghipos sa akong mga personal nga mga butang.

Daghang mga megabox ang akong napalit tungod lang ini. Ingon ini ang among kinabuhi isip pari.

Balhin, balhin ug lain laing mga tawo ang angayang atubangon ug alagaran.

Adunay mga pipila ka mga punto sa pamalandong ning maong mga hitabo:

1. Una, Ang kinabuhi usa ka panaw. Mahimong anaa kita sa usa ka lugar o dapit apan ugma mahimong wala n apud.

2. Matag dapit kahigayonan sa pagtubo ug paglambo.

3. Pasalamat sa maong kahigayonan dili man tuod nimo mahingpit ang tanan apan sayud ang Dios sa imong kasakitan, mga inner struggles ug mga kasagmuyo sa kalibotan.

4. Sa mga nilabay ug sa  mga tawo nga gikahibalag pasalamat.

5. Sa mga hagit nga moabot sanong niini. Uban ang kaisog.

6. Sa mga kalapasan nga nahimo, pangayo og pasaylo ingon man ang pag-ayo sa bisan unsang samad nga nahitabo kanimo ug sa uban.

Sa akong pagsud-ong sa lawak nga inanay nga nahawanan sa akong presensiya.

Mapasalamaton ako nga niabot dinhing dapita. Deo Gratias!