Correction sa middle name sa birth certificate
Dear Atty. Divine,
Ang middle name sa akong bana sa iyang birth certificate dili sakto kay instead nga apelyido sa iyang mama, ang middle name na man hinuon sa iyang papa ang nabutang sa iyang birth certificate.
Unsay iyang buhaton aron makurihian ang iyang birth certificate? Daghang salamat.
Gwen
* * *
Dear Gwen,
Mamahimong iyang pakurihian ang iyang middle name sa iyang birth certificate ngadto sa Local Civil Registrar diin siya marehistro.
Ang Civil Registrar naa nay listahan sa mga documents nga dapat niyang isubmit to support sa iyang Petition for correction sa iyang middle name. Adto ra niya ifile sa Local Civil Registrar ang maong petition uban sa iyang mga supporting documents. Mas maayo nga mokonsulta siya daan sa Local Civil Registrar aron iyang nasayran kun unsa nga mga dokumento ang angayan niyang i-submit. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
