Unsay buhaton kun dili bayran sa overtime pay

Dear Atty. Divine,

Nagtrabaho ko sa usa ka security agency. Ang akong duty matag adlaw mo-abot og napulo ka oras. Apan ini’g kubra sa akong sweldo wala may overtime pay. Unsa may angayan nako nga buhaton?

Lino

* * *

Dear Lino,

Ang una nimong buhaton, imong sulti-an ang imong employer nga security agency labot sa imong reklamo nga wa ka bayri og overtime pay. Kini tungod kay basi sa balaod, ang usa ka empliyado dapat motrabaho lang sud sa walo ka oras matag adlaw.

Kun mosobra gani ka sa walo ka oras, mahulog na nga overtime ang sobrang oras niini. Kun dili gihapon ka bayran sa imong over pay then mamahimo ka nga mopadala og suwat-reklamo ngadto sa Department of Labor and Employment kon Dole batok sa imong agency.

Apan kun mahadlok ka nga magpaila isip reklamante mamahimo nga dili nimo itug-an ang imong pangan sa imong reklamo. Ang DOLE na ang mopahigayon og imbestigasyon ngadto sa inyong agency.

Apan kun dili ka mahadlok nga mopaila mamahimo ra nga imo gyud silang atubangon ngadto sa Dole. Thank you and God Bless!

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.