^

Banat Opinyon

TV, speaker ug cellphone sa balkonahe

AMBOT LANG - Gerry Auxilio - Banat

Tungod sa kadaghan sa mga misimba sa Cebu Metropolitan Cathedral human sa Sugat, gipasaka sa mga tagdumala sa simbahan sa balkonahe sa simbahan ang mga manimbahay nga wala na masulod sa ubos nga bahin sa simbahan.

Sa balkonahe naandam na ang mga lingkoranan diin mipahiluna sa paglingkod ang mga manimbahay alang sa misa nga gipangulohan ni Arsobispo Jose Palma. Sa balkonahe ang mga nanimba dili makakita sa arsobispo nga nagmisa. Hinuon adunay TV ug speaker. Ang nakaapan kay ang TV nga anaa nahimutang sa atubangan sa balkonahe wala mag-function. Wala pod mag function ang speaker sa Sound System sa Cathedral.

Tungod niini, nagkalain-lain na lamang ang gihimo sa kadaghanan sa nanimba sa Cathedral nga didto nahimutang sa balkonahe. Ang gusto nga makatuhop sa misa ug wali ni Arsobispo Palma mipatingkag sa ilang dunggan aron maklaro sa pagdungog ug mabati ang hinay na nga tingog sa speaker sa sound system nga didto mahimutang sa ubos nga bahin sa simbahan nga mao ray nag function. Ang nanimba nga didto gibutang sa balkonahe daw nahisama sa mga naminaw na lamang og radyo. Ang uban nga wala na makasabot sa ilang kahimtang mikanaug pagbalik sa ubos samtang ang uban nagkalingaw na lamang sa pagduwa sa ilang cellphone.

Nakasabot ko nga adunay problema sa sound system sa cathedral tungod kay nag-fund raising man kini alang sa sound system. Pero kay motingog pa man ang mga speaker sa ubos, motingog pa pod seguro ang mga speaker sa balkonahe. Wala lang kini motingog atol sa misa human sa Sugat.

Labing seguro daghan ang nahimong marites (Mare anong latest) atol sa misa human sa sugat nga gipangulohan ni Arsobispo Jose Palma.

Awhag lang nako sa mga personahi sa Cebu Metropolitan Cathedral nga unta sa mga dakong kalihokan sa simbahan nga dagsaon sa mga tawo, gawas sa pag andam sa mga lingkorana, seguroon pod unta sa pag andam ang tanang kahimanan sama sa TV ug speaker aron makasabot sa misa ang mga manimba.

Dili pod maayo nga paminawon nga ingon ani ang kahimanan sa Cebu Metropolitan Cathedral.

CEBU METROPOLITAN CATHEDRAL

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with