_banat
^

Banat Opinyon

Smuggled nga carrots

RENBOR PATROL - Rene U. Borromeo - Banat

Midagsang pag-ayo karon dinhi sa ato ug ubang bahin sa nasud ang mga imported nga utanon ug lamas, sama sa carrots, sibuyas bombay ug uban pa.

Halinon ra ba kaayo ang mga imported nga carrots kay mas barato kini, ug wa na kaayo’y mamalit sa abot sa atong mga mag-uuma dinhi sa nasud.

Anaa dinhi ang problema kay tabla ra nga gihinay-hinay sa pagpatay ang atong mga mag-uuma kay kinsa pa may mamalit sa ilang abot sa kaumahan.

Ang chairman sa Cebu Market Vendors Cooperative (CEMVEDCO) nga si Erwin Gok-ong miingon nga gikan sa Manila ang maong mga carrots ug gikarga kini sa mga wing van nga gi-deliver diha sa Carbon market.

Ang mga driver gikargahan nga wing van mitug-an kang Gok-ong nga “galing Manila” ang maong mga carrots ug wa kini gi-trucking kini sa pagdala paingon dinhi sa Cebu.

Gitataw ni Gok-ong nga wa siya’y labot sa pagpangabot niining maong mga carrots ug sibuyas bombay dinhi sa Cebu.       

Ang sunod nga pangutana, makadaut ba kining imported nga carrots ug sibuyas bombay? Ang tinuod, gibutangan na og kemikals aron dili dayon dali nga madaot. Makadaut ba? Ang tubag, mahimong dili makadaot ug mahimo sab nga makadaut sa panglawas kay duna man kini kemikal.

* * *

Sibaw na kaayo ang politika. Daghan na ang mipahibawo nga molansar pagkapresidente, apan ang gikahinaman sa kadaghanan kon si Inday Sara Duterte modagan ba gyud sa maong katungdanan.

Karong adlawa, ang lainlaing mga grupo nga ubos sa Sara-All Philippines dungan nga maghimo og motorkada sa lainlaing bahin sa nasud sugod ala una sa hapon, aron awhagon si Inday Sara nga mohukom na sa paglansar.

Si Dr. Winley Dela Fuente nga maoy deputy secretary general for Visayas sa Sara-All Philippines miingon nga daghan na ang mipadayag nga mosalmot sa ilang motorkada.

Gituyo nila nga dili magmotorkada sa mga busy nga karsada kay dili nila tumong nga makamugna og kahasol sa mga motorista, kondili, gusto ra nila nga ipakita ni Inday Sara nga bagang duot sa katawhan ang naghangyo kaniya sa pagdagan pagka presidente.

Sa akong pangagpas, kon makita ni Inday Sara nga daghan kaayo ang mga tawo nga nag-awhag kaniya sa pagdagan, tingali mohukom na gyud siya nga molansar.

Apan di ba misaad man sila nga usa ra gyud ka Duterte ang magpapili sa taas nga  katungdanan sa kagamhanan?

Anha na diha nga kon mohukom na si Inday Sara pagdagan, kinahanglang si Presidente Duterte dili modayon sa tinguha niya nga molansar pagkabise presidente kay daghan ang dili gusto nga siya magpapili sa maong pwesto.

CARROTS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with