^

Ikaunom nga pulong

MGA LAMAS SA KINABUHI - Fr. Rey Cui (Banat) - April 6, 2021 - 12:00am

Natapus Na! (cf. Juan 19; 30)

Matag butang ning kalibotan dunay maisip natong kinutoban. Bisan gani ang relasyon nga haguka may kinutoban man. Bisan ang trans-aksiyon may kinutoban. Apan kun kini mao man gani ang naandang pagsabot mag-unsa naman lang kun ang kinabuhi sabton nato nga human matapos mahanaw na lamang ug malubong sa kalimot. Ingon niana na lang ba gyud ba ang kinabuhi sa tawo.

Duna to’y awit nga gitagik ni Sr. Nars Fernandez nga nag-ulohan: “Ang kinabuhi sa Tawo.” Kantahon kini kun dunay mga patay o mga misa alang a mga patay. Ang maong awit nagkanayon:

“Ang kinabuhi sa Tawo, sama sa usa ka Binhi

Kun alimahan pag-ayo, moturok kini’g molambo

Ug unya abto’g kahamtong, sama sa atong tanom

Kay inumol man sa gugma, gugma sa atong isigkaingon!

Kay king atong kinabuhi, kinabuhing usa ra

Ug sama sa usa ka binhi, sa gugma kita gipili

Kay kinabuhing bililhon, bulawan ang panahon!

Ato gyung paninguhaon ang pagpuyo nga sulondon.

Ato gyung paninguhaon ang pagpuyo nga sulondon!”

Kining maong awit padayong naghatag kanato nga dili maayo nga mamahimong attached ra kaayo sa atong kinabuhi ingon sa pagsabot nato niini sa naandan. Ang kinabuhi nga puno sa kaharuhay apan kuwang sa kalipay. Ang kinabuhi nga puno sa daghang mga higala apan dili diay tiunay. Daghan ka og natukod apan padayong gitamay ang imong katakus. Ingon ana ang mga tawo karon ug kun buot hunahunaon wala kitay mahimo kay ingon ini naman ang ilang panlantaw niini.

Si Jesus sa dihang siya nituwaw sa makusog og Natapos Na! wala kini magpasabot lamang og paghunong sa pinitik sa iyang kasingkasing ni ang paghunong sa iyang ginhawa. Sa dihang Siya miingon og Natapos Na! kuyog niini ang laing pulong nga “Natuman Na!” naka-serve na siya sa iyang purpose kun tumong ug tuyo! Ang iyang kaugalingong kamatayon wala makawang hinunoa nagmabungahon ug kita nga ania karon dinhi namalandong maoy nabuhong sa maong sakripisyo. Sakripisyo nga magdala kanato ngadto sa tunhay nga kaluwasan. Sa laing bahin, nakita nato ang maong kamatayon ingon nga lintunganay sa pagtuong gipakamatyan sa mga tinun-an ug sa mga martir. Pagtuo nga nagdala kanato sa tunhay nga pagpasalamat kay human sa lima ka gatos ka mga katuigan, nahimong buhi kining maong pagtuo nga nahuptan.

Unta pinaagi ning maong sanglitanan mapakita unta nato ang pagtuo pinaagi sa atong buhat sanglit ang pagtuo nga walay buhat ptay. Unta sama ni Jesus kita makatuwaw sa pag-ingon: “Natapos Na!”tungod kay atong nahimo kun unsay gipaabot sa Dios gikan kanato ug kana mao man ang paghigugma kaniya, pag-alagad kaniya aron kuyog ni Dimas ang kawatang mahinulsolon kita makighiusa sa Dios didto sa Paraiso sa katapusang higayon!

Pag-ampo

Ginoo dili lalim ang moatubang sa kamatayon. Sakit kun buot hunahunaon. Apan mag-unsa man tuod ang hataas nga kinabuhi nga dili mapuslanon ug puno sa pagpatuyang. Mag-unsa man kun taas ang lanat sa panaw nga kalibutanon apan kuwang sa giladmon ug gilapdon ang pagpuyo niini. Unta Ginoo mamahimong mapuslanon ang tanan alang kanamo. Unta mamahimong ikaw ang makita sa matag adlaw sa among kinabuhi. Unta ikaw ang masangyaw ug dili ang among kinaugalingong pagpagarpar. Ikaw lamang paigo na ang tanan. Amen.

BISAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with