^

Kun hingpit pa lang unta ang matag banay

ANG DIOS MIINGON - Fr. Rey Cui (Banat) - December 27, 2020 - 12:00am

Disyembre 27, 2020: Pangilin sa Balaang Banay Jesus Maria ug Jose

Mga Pagbasa: Gen. 15;1-6/Sal. 105/Col. 3;12-21/Lk. 2;22-40

Kini ang pangindahay sa matag usa kanato apan ang buhing kamatuoran nagtudlo man nga malisud kining kab-uton. Bisan gani ang definition ni Pope John Paul II nga Family as Communion of Different Persons lisod man gyud nuon  kab-uton. Kini tungod kay ang matag tawo diha mismo sa pamilya managlahi man. May kaugalingong taras ug baruganan. May kaugalingong panlantaw ug kaugalingong baruganan. Usahay ang maong mga baruganan maoy mitsa sa dili maayong pagsinabtanay nga moresulta sa away ug kun dili man gani away panagbulagay. Kay sa pagsugod pa lang daan anaa naman ang walay pagsinabtanay. Labina kun ang mga ginikanan mismo maoy magpasiugda sa usa ka dakong kagubot.

Hinuon sa mga mata sa pagtuo makaingon ta nga si Maria ug Jose ingon man si Jesus atong Ginoo atong sumbanan sa usa  ka maayong pamilya o banay. Apan sa atong kaugalingong mga panahom usahay makapangutana kita: “May panaglalis ba kaha sila? Si Jesus nabuyagan ba sa iyang mga ginikanan?” Diha sa naandang kutay sa tawhanong kasaysayan makaingon ta nga tingali sila sab mismo nakasinati usab sa mga butang nasinati sa kadaghanan. Apan ang nakahimo nilang lahi ra gyud mao  man ang paghimo sa ilang kaugalingon nga matuhop sa kabubut-ong Diosnon diha sa ilang kinabuhi.

Kini nagpasabot nga sila si:

JOSE ingon nga tawong matarong ang nihiklin sa iyang kaugalingong mga laraw ingon nga tawo aron sa ingon mahatagan og igong katumanan ang kabubut-on sa Amahan nga ipahimugso ang iyang Bugtong Anak. Ning paagiha nahimong mas masabtan ug makasulod sa tawhanong kasinatian ang Dios nga hingpit diha sa dili hingpit nga kalibutan sa kalambigitan.

Maria ang nitipig sa tanang mga hitabo sa iyang banay ug sa iyang kaugalingon sulod mismo sa iyang kasingkasing. Diha sa kahilom anaa ang Dios.

JESUS. Bisan siya Dios apan wala siya makigtupong sa kahalangdon sa Dios. Hinunoa nagpaubos siya sama sa ulipon. Ug ang maong kinaiya maoy nakapatubo niya sa lawas ug sa kaalam ug gikahimut-an siya Dios ug sa kadaghanan. nahimo siyang kusgan ug nahimo siyang mahinungdanong sanglitanan sa kinabuhing tul-id ug hapsay.

Daghanan nato ang buot makabaton og pamilya nga atong kaugalingon. Buot kitang mohulma og mga bag-ong mga subol sa pamilya nga sibo sa kasingkasing Diosnon. Kini ang hinungdan kun nganong nahimong crucial gayud ang pagsugod og pamilya karong  mga panahona. Tuod man nahimong paspas ang teknolohiya apan nahimong hinay usab ang kukabildo. Nahimong paspas ang kalamboan apan pabiling kabus ang pagbati. Kini tungod kay bisan gani ang imong kaugalingong pamilya dili man maantigong mosabot nimo. Apan bisan pa man ning maong sitwasyon padayon gihapon sa pagbuhat og maayo ngadto nila dili tungod kay angayan nimong hangyoon ang ilang simpatiya kondili kay kini man ang tukma ug hustong buhaton sa tawong dunay hunahuna.

Dili lang ni mahitungod lang sa kinabuhing subay sa balaod ug han-ay kondili mahitungod kini sa dakong tinguha sa matag usa kanato nga mamahimong malinawon bisan gani sa kaugalingong anino sa kapakyasan nga buot ipahigmata kanato sa atong mga ginikanan.

POPE JOHN PAUL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with