Isog kaayo’g ginhawaan
JAV BANATI - Javier Yntig Tapulado (Banat) - September 21, 2020 - 12:00am

Ang korapsiyon maoy usa sa dakong hinungdan nganong nagkamang gihapon sa kawad-on ang Pilipinas. 

Kaaway kini ni Presidente Rodrigo Roa Duterte. Ug sama sa iyang pagpakiggubat sa gidiling drugas, gusto sab niya kining papason sa hingpit.

Sa miaging unang semana sa Septiyembre, sa ilang Malacañang meeting, atubangan sa tanang miyembro, giingnan ni Duterte si Health Secretary Francisco Duque III:  “Ang kalaban ko lang, ho, ay yong corruption.”

Pero sa wala pa kini masulti sa presidente, giingnan nang daan si Duque: “Secretary Duque, this is not the time for you to resign.

Hindi pa panahon magresayin. So, I have heard stories about you, going to resign.

But I have full trust in you.” Ug may gipamahayag pa si Duterte nga daw misabot sa kahimtang ni Duque.

Aw, gipahimuslan dayon ni Duque ang pagpatungod sa nag-agas nga tubig aron manghugas sa iyang kamot pinaagi sa pagsumpay: “Kasi, natatawa ako. I have to express my frustration, Sir. I hope you don’t mind.

Ay, yong… mga pumirma…hindi ini-recommend for filing of the cases. Pero yong hindi pumirma, yon lang ang inidawit.

Parang… bakit ganon? Ba’t height of injustice, unfairness? Ang sakit po yan! Sir, yong hindi ka na pumirma, ikaw pa ang idinadawit? Ipinipilit na idawit!”

Puwerte gyong panghugas ni Duque sa iyang mga kamot aron magpabilin siyang limpyo tan-awon sa mga mata ni Duterte.

Apan ang facemask nga nagtabon sa iyang nawong dili makatago sa daghan niyang kasaypanang nahimo isip ex-officio chairperson sa PhilHealth nga giyagyag-hikyad sa Senado.

Gani, girekomendar man sa Committee of the Whole nga paresaynon si Duque sa iyang puwesto tungod sa iyang pagka incompetent leader, negligence ug kapalpakan sa pagpakiggubat sa COVID-19.

Ang pulong negligence nga maoy hinungdan sa korapsiyon sulod sa PhilHealth nga wala mapugngi ni Duque, diin siya gipasanginlang maoy Mafia head, kon kini sa Japan pa nahitabo, otomatik meresayin na ang hingtungdang lider.

Delikado pag maghikog. Sanglit, ang mga Hapon nainila man sa ilang pagkamatinud-anon.

Pero dinhi sa ato, pabiling taas ang liog, uy! Bisag gihan-okan na sa nagtumpitumping basura sa pagsaway, dili gyod maguba ang nawong sa malangsing baho nga miukiok-sulod sa iyang tanlag.

Pastilan, pagkaisog gyog ginhawaan!

PILIPINAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with