Ang pagpasaylo
AMBOT LANG - Gerry Auxilio (Banat) - September 15, 2020 - 12:00am

Nakapauli na didto sa Amerika ang sundawong Amerikano nga si US Marine Lance Corporal Joseph Scott Pemberton kinsa gikonbikto ug napriso tungod sa iyang pagpatay sa transgender nga si Jennifer Laude sa Olongapo niadtong Oktobre 11, 2014.

Ang 25-anyos nga sundawong Amerikano nakagawas sa prisohan ug nakapauli didto sa Amerika human siya hatagi og absolute nga pardon ni Presidente Rodrigo Roa Duterte tungod sa rason nga wala mahatagi og patas nga pagtratar si Pemberton.

Una nang gireklamo sa pamilya ug dumadapig sa biktimang si Laude ang paghatag og Good Conduct Time Allowance ngadto sa Amerikano tungod kay wala kini basihanan ug dili makiangayon nga makaserbisyo lamang sa iyang sentencia nga ubos sa napulo ka tuig. Apan ang reklamo sa pamilyang Laude gitubag sa Presidente og Absolute Pardon.

Ubos sa Batakang Balaud sa Pilipinas, ang Presidente aduna kini gahom sa pagpasaylo o gahom sa pag pardon. Kining maong gahom dili ma-question ni bisan kinsa ug sa bisan asang hukmanan.

Apan ang gihimo ni Presidente Duterte nga naghatag og pagpasaylo ni Pemberton sukwahi sa baruganan sa pamilya sa biktima nga wala gayod mohatag og pagpasaylo sa sundawong amerikano nga mipatay ni Laude.

Kinsa man gyod ang mohatag og pagpasaylo si Presidente Duterte o ang pamilya ni Laude?

Sa ako nang giingon, ang pagpasaylo gahom sa Presidente nga gihatag sa Batakang Balaud ngadto kaniya nga wala gani bisan kinsa nga maka-question niini sa bisan asang hukmanan. Apan sukwahi kini sa baruganan sa pamilya ni Laude kinsa wala makapasaylo sa amerikano.

Dili ba salikwaot nga paminawon nga ang mihatag og pagpasaylo dili ang pamilya sa biktima?

Hinuon walay sala niini ang Presidente. Ang sad-an mao ang nagpanday sa Batakang Balaud.

JOSEPH SCOTT PEMBERTON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with