Suportahan nato
RENBOR PATROL - Rene U. Borromeo (Banat) - August 4, 2020 - 12:00am

Nindot gyud kining balaudnon ni 6th District Representative Emmarie “Lolypop” Ouano-Dizon nga itugot ang pagpa-backride sa motor sa mga sakop sa pamilya ug dili na kinahanglan pa ang pagbutang og plastic barrier nga mag-uwang sa driver ug sa moangkas.

Maayo pa si Lolypop kay bisan og wa gyud gani tingali nakaangkas og motor, apan nakasabot nga gikinahanglan kaayo kini sa kinabag-an nga katawhan ug nga ang pagbutang og plastic transparent barrier nga maoy gimando sa Department of Transportation kataw-anan ug risgo kaayo.

Dili na man tingali angay’ng balik-balikon ang pagpasabot kon nganong dili na kinahanglang magbutang pa og plastic barrier kon ang moangkas sa motor mao ang asawa o anak sa driver? Angay pa ba gud nga ipasabot?

Ang akong balikon nga mga utokan kining mga opisyal sa kagamhanan, sama nila ni DOTr Secretary Arthur Tugade ug labaw na si Presidente Duterte, nga mahilig gani sab nga mosakay og motor. Apan nganong wa man gyud sila makahunahuna nga kataw-anan ang ilang kamandoan?

Pasalamatan nato si Lolypop ug ang ubang mga kongresista nga mosuporta niining iyang tinguha, ingon man daygon nato ang mga senador nga mopaluyo usab niini aron nga mapadali ang pag-aprobar niining mao nga balaudnon.

Dili na lang nako ipasabot kon nganong peligro ang pagbutang og plastic barrier nga mag-uwang kunohay sa mga mo-drive sa motor ug ngadto sa moangkas kanila nga ila ra’ng mga sakop sa pamilya, kay mora’g nabungol na tingali mo pagpamati niini.

Ang wa tingali makasabot mao ra gyud ang taga DOTr, ug ang mga opisyal sa Land Transportation Office (LTO) nga wa gyud makatudlo og husto sa ilang mga opisyal nga tingali nagduhiraw sa kangiob ang pangisip.

* * *

Akong hangyoon si Mayor Edgardo Labella nga mandoan na unta niya ang iyang mga sinaligan nga hatagan na sa ilang cash assistance ang mga Persons with Disabilities (PWD) dinhi sa Dakbayan sa Sugbo.

Naluoy baya ko sa mga PWD kay diha nga ang mga senior citizens gihatagan sa ilang cash assistance para sa buwan sa Marso, Abril ug Mayo, ang mga PWD wa hatagi. Tinuod, gamay ra ang mga PWD kon itandi sa mga senior citizens, apan angay sila nga dili kalimtan.

Giingnan ko ni Mayor Labella nga mo-coordinate kuno ko ni City Administrator Floro Casas, apan akong nahunahuna nga wa ko’y “legal personality” nga mao gyud ang maninguha aron mapa-release ang cash assistance sa mga PWD.

Dili ko opisyal sa City Hall, dili trabahante sa siyudad ug dili usab opisyal sa PWD. Ako lang ang usahay hangyoon sa mga PWD kay duna man ko’y programa sa radyo ug nasayod sila nga kaila nato ang mayor.

CANDIDATE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with