Nagdako lang ang atong hunahuna
MGA LAMAS SA KINABUHI - Fr. Rey Cui (Banat) - April 6, 2020 - 12:00am

Sa pag-abot ning Coronavirus Disease daw sa napukaw ang akong galamhan ingon man ang akong panghunahuna sa pagpangita og paagi aron sa ubang nagkinahanglan ako makatabang. Naanad ko bisan kaniadto pa nga maka-initiate gyud dayon og mga campaign drives aron makakita og mga pamaagi nga makatabang sa mga nasunogan, sa mga nabiktima sa baha ug uban pa.

Gani sa dihang nadestino ko sa may Escario sa dakbayan sa Sugbo kaniadto ako man ang gi-assigned sa mga relief operations. Mao nga sayud ko sa mga panginahanglan sa nasunogan ug uban pang biktima sa katalagman.

Apan karon sama sa uban nakita ko ang akong kaugalingon nga helpless ug vulnerable. Kini tungod kay tanang suok sa kalibutan apektado man niining virus nga kanahan. Buot natong himoon nga makatabang ug magmadaugon apan ang tinuod malisud alang nato karon ang pagsagubang niini ilabina nga kita mismo mamahimong biktima ni Covid. Walay laing nahimo ang kadaghanan kanato gawas sa pagmatngon ug pag-amping ingon man pagpatulo sa atong mga luha.

Ang atong hunahuna nibungat kun unsay angayan apan ang atong palibot ingon man ang atong panudlanan ug bahandi dili man makasapar. Sa laktod, nahimong malisod gyud ang pagpasiatab nga kita makasugakod ning maong gubat batok sa virus sa atong kaugalingong gahum. Ang mahinungdanon mao nga kita mohimo ning mosunod:

1. Pag-urong sa balay dili tungod kay nagpabilanggo kita tungod kay kita angayang silotan gumikan sa atong mga sala. Nagbilanggo kita sa atong balay ug pinuy-anan alang sa atong kaluwasan. Dugang pa, ning paagiha nahimong mas madugtong nato sa suod nga paagi ang atong kalambigitan sa usag usa ingon nga banay. Usa kini ka kahigayonan nga mahitabo ang enforced family bonding tungod kay dili man makagawas.

2. Pagpalayo (social distancing) alang sa kaayohan. Nagpasabot kini nga atong himoon ang paggahin og panahon alang sa atong kaugalingon dili lang sa physical nga bahin kondili sa espiritohanong pagpatidlum usab. Kay diha sa pag-inusara makita man usab nato ang atong kaugalingon kun naunsa ba gayud kita.

3. Angayan  kitang mosud-ong sa kalangitan. Angayan natong angkonon nga tinuod gyud diay ang giingon sa Juan kapitulo kinse berskulo singko nga nagkanayon: “Halayo kanako wala kamoy nahimo!”

Dunay sipyat ang matag usa ning panahon nato karon apan angayan lamang nga atong ihiklin una ang tanan kay usa lamang ang atong kaaway karon ug kini mao ang Coronavirus Disease.

HUNAHUNA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with