Obligasyon
MGA LAMAS SA KINABUHI - Fr. Rey Cui (Banat) - February 28, 2020 - 12:00am

Dili lalim ning mamahimo kang administrador sa bisan unsang dunay kalambigitan sa kwarta. Kini tungod kay diha sa atong tinguha nga mamahimong hapsay ang tanan, mahimong tukbilon usab ang atong kaluoy nga kun atong pasumban maoy magdala og kalaglagan sa bisan unsang atong nasugdan.

Dugang pa usa  kini ka paagi aron ang hingtungdan mobati pud nga siya mismo dunay kaakuhan. Sa laktod nga pagkasulti ning panahon nato karon kinahanglang atong himoon nga masinati ang hustisya kun kaangayan. Ang paghatag  kun unsay husto ug angayan alang ni bisan kinsa.

Sama gud pananglitan sa usa ka lalaki nga nakapamabdos og babaye. Bisan pa man tingali kun dili niya pangasaw-on ang maong babaye apan duna siyay natural nga obligasyon nga bisan unsay mahitabo iyang suportahan ang bata pinaagi sa paghatag sa mga panginahanglan niini aron mabuhi.

Daghan man gud ang nagtuo nga ang tanan libre. Kay lagi libre, dili naman nuon molihok ug magpatuyang na lang sa gibati.

Daghan ang naingon niini nga buot na lang modawat og limpiyo ug dili na  lang gani maningkamot nga mohimo og mga lakang aron makaluwas sa bisan unsang gimbuhaton. Ang nakapait pa gyud niini mao nga gamiton ang pulong “kabus” aron makabaton og kalooy gikan ni bisan kinsa nga gihangyo. Mao nga daghan ang nahimong abusado.

Sama sa tubig gud. Ang tubig kun buot hunahunaon libre ra apan angay natong hisayran nga nagbayad kita sa tubero mao nga kinahanglan natong maningkamot gyud.

Ang paghatag nga pinasikad sa kaangayan apan sa laing bahin pakapinan pa gyud n ato og kalooy apan kalooy nga pinasikad usab sa rason dili kay sa pagbati lamang.

Kay mag-unsa man tuod ang naghinobrang kalooy apan wa nimo tudloi ang imong anak nga makaamgo sa iyang sayop mao nga wa niimo siya siloti, modako siya nga buluyagon ug walay hinungdang tawo. Kini tungod kay ang ginikanan tingali ang nahimong maloloy-on apan gisakripisyo niya ang kaangayan.

Sa laing bahin kun maghisgot kita og obligasyon dili kini mahitungod sa atong kaugalingong tinguha nga mohimo o motampo alang sa katilingban. Hinunoa, ang katilingbanong diwa sa pagpakabana nahimong katungod apan sa  laing bahin katungdanan usab ni bisan kinsa nga sakop niini.

Angayan kitang manginlabot tungod kay ato kining obligasyon ug matag obligasyon ang pagaisipon natong seryoso.

OBLIGASYON
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with