Tiilan sa tulay, baba sa peligro
LABTIK - Alan Domingo (Banat) - February 17, 2020 - 12:00am

Kining sitwasyon sa karsada dapit sa UCLM habig sa Mandaue City naghatag gyud og dakong peligro sa mga tawo nga moagi dinhang dapita.

Sa tiilan gyud sa tulay naay mga tawo nga diha gyud molabang nga hilabihan ka peligro kay ang mga sakyanan gadulhog gikan sa ibabaw nga bahin sa tulay kusog kaayo.

Naa pay uban nga molabang nga magdala og mga bata kanang mihatod sa ilang mga tinon-an. Naa usay mga tinon-an sa UCLM nga diha mag-atang og kasakyan.

Sa mga labanganan nga dapit kining dapita ang labing peligro kay murag baba ni sa kamatayon kay kon simbako dili maka-break ang mga motorista segurado gyud ang disgrasya.

Unta dunay ali kining dapita nga dili pwedeng makalusot kining mga mulopyo diha nga mga tapolan nga moagi sa skywalk alang kanila.

Samtang tikdolan usab nako kining mga tinun-an sa UCLM nga labaw pa sa nag-jaywalking kay dili lamang sila molabang sa karsada kondili mosugat pa gyud sila sa mga sakyanan kay mang-hitch.

Murag makig patentero na sila sa daghang mga sakyanan aron hunongan og pasakyon, manuktok na sa mga bintana sa mga private vehicles.

Kong dili ra ba pasakyon, naay uban nga magbugalbugal sa mga motorista. Makasabot man kita nga mamasin sila nga makasakay aron dali makaabot sa ilang padulngan sa Opon apan hunahunaon pud unta nila kon unsa ang mga posibleng mahitabo.

Una posibleng maligsan sila kay mosugat naman ang uban sa mga sakyanan, ikaduha, simbako makatunong sila og mga motorista nga naay dautan og intensyon ideretso sila og bisan asa.

Hinaut makita kini una sa eskwelahan aron tambagan ang mga tinun-an to take extra careful kon naa na sila sa gawas.

Sa lokal nga kagamhanan sa Mandaue, unta matan-aw usab nila kini mintras wala pay nadisgrasya.

Makasabot kita nga limitado ang mga constable nga magbantay dihang dapita apan mapangitaan man seguro kini og solusyon.

Usahay gani walay traffic enforcer dihang dapita nga mosangpot sa paglumbaanay sa mga sakyanan paglusot nga murag ma imbudo na hinoon.

PELIGRO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with