Buwag na bisan wa’y divorce law
BALITAHOM - Atty. Jose Marie N. Poblete (Banat) - February 16, 2020 - 12:00am

Mipasalig ang chairman sa Technical Working Group sa House of Representatives nga si Congressman Edcel Lagman nga walay proviso nga magtugot sa “quickie divorce” sa gipanday karon nga Divorce Law.  Tanan nga diborsyo moagi gayod og judicial proceedings.   Sa uban ko’ng kahigalaan nga mga bana, wala na nila kinahanglana ang balaod sa panagbulag.  Kay bisan sa bag-o pa lang sila naminyo, ila na’ng gibuhat ang panagbuwag: BUWAGON ANG PUTI SA DE KOLOR NGA LABHONON ARON DILI MAMANTSAHAN.  Tiglaba man lage intawon ang uban nato’ng amigo.   Saoonz!

Samot di mogamit og condom

Mipahimangno karon ang Food and Drugs Authority (FDA) sa publiko sa dili pagpalit sa matang sa candy nga ang gigamit nga putos mao ang plastik nga gigamit usab pagbuhat og condom.  Gituohan sa mga health authorities nga kining matang sa putos makahatag kadaut sa katawhan.  Sakto lage ako amigo, makadaut jud lage ang condom.  Karon aduna na siya’y dugang rason ngano nga dili na jud siya mogamit niini.  Samot nga di na makombinsir. Hala no!

Sayo ra nangandak

Namulong si Brigadier General  Bernard Banac nga andam na ang kapolisan pinangulohan sa Quezon City Police ug CIDG sa pagdakop unya ni kanhi Senador Trillanes ug uban pa’ng akusado kon makadawat na sila sa Orden de Aresto gikan sa korte. Gamay ra kaayo ang gipahamtang nga piyansa sa korte sa maong kaso ug yano ra kini bayaran sa akusado.  Ang mahitabo, walay mahimong dakop o kon aduna man ugaling, mabuhian ra sad dayon.  Mora’g sayo ra nangandak ang heneral ani’ng kahimtanga.  Pasikat pa more!

Way kaso kay di man paryente

Bisan pa man sa gikataho nga mga panghitabo sa mga pagpatay dinhi sa dakbayan, mipasalig ang kapolisan lakip na si Mayor Ed Labella nga pabilin nga malinawon ug luwas ang dakbayan sa Sugbu.  Nalimot ba kaha ang kapolisan sa kabililhon sa kinabuhi nga daw gipagamay man lang nila ang mga panghitabo’ng patay.  Sama da kini sa tubag sa Mayor sa Mindanao dihang gipangutana sa kahimtang sa ‘peace and order’ sa ilang Lungsod: “Daghan ang ‘FISH’ (peace) pero walay order”. Kon nahitabo pa nga kadugo o paryente nila ang biktima, basin hasta ok-ok, ilaga, lamok, hulmigas ug uban pa, pasanginlan ug mahimong maukay sa ilang nahimutangan.  Madahaaan!

DIVORCE LAW
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with