Ang Alagwahan sa Tabuelan
ANG DIOS MIINGON - Fr. Rey Cui (Banat) - December 8, 2019 - 12:00am

Nahinumdom ko nga samtang namiyesta ko sa parokya ni San Juan Magbubunyag sa Tabuelan kaniadto, nahimong balansayon nila ang Alagwahan diin ang mga batan-on sa parokya mosuroy sa karsada aron sabligan ang katawhan sa benditadong tubig. Imbis masuko ang kadaghanan bation nila ang tumang kalipay kini tungod kay ang maong tubig simbolo man sa ilang kalimpiyohan. Mao nga si Juan magbubunyag ang tig-una kun precursor sa atong Ginoo ang nagsangyaw man sa paglimpyo sa kaugalingon alang sa hari nga taliabot.

Si Juan Magbubunyag bisan pa man kun dunay mga sumusunod wala mangangkon nga siya ang mesiyas. Hinunoa, si Juan Magbubunyag tataw kaayo nga namalibad niini. Gani, iya mang giangkon nga siya mismo ang dili takus nga mobadbad sa higot sa sandalyas sa iyang agawon ug hari nga mao ang mesiyas. Ang iyang kinabuhi mahulagway nato nga kinabuhi sa pagsakripisyo sanglit dugos ug dulon ra man ang iyang kalan-on unya panit sa kamelyo ang iyang bisti. Bisan ingon ini kayano ang iyang kinabuhi si Juan Magbubunyag padayong misangyaw nga angayang hawanan ang dalan ug hinulosolan ang kasal-anan.samtang may panahon pa. Daghan ang natandog sa iyang wali ug daghan ang nagpabunyag kaniya aron sila makabig ngadto sa kamatuoran.

Ning atong pagpaabot sa taliabot nga pagkatawo sa atong Ginoo, angayan natong himoon ang paglimpiyo sa atong tanlag ingon man sa atong kasingkasing. Ang mga buhat nga makapalayo kanato gikan sa Dios maoy angayan natong putlon ug hunungon. Ang buhat nga makapaduol kanato ngadto Kaniya maoy angayan natong padayonon. Puno sa kamaluibon ang kalibutan karon. Kini tungod kay daghang mga tawo ang nahimong mopaling paling lamang depende sa ilang gusto ug kabubut-on.

Kun buot natong usbon ang kalibutan nga atong gipuy-an karon mas mahinungdanon nga atong usbon daan ang atong kaugalingon. Kay ingon nga ang sala misulod sa tawhanong kinabuhi ingon nga personal nga isyu ang kausaban usab angayang pasudlon pinaagi usab una sa tanan, sa personal nga pagpaningkamot…..but of course tinabangan sa grasya sa Dios.

TABUELAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with