EDITORYAL - Angay mabalaka
(Banat) - October 21, 2019 - 12:00am

Nakapaukay na usab kining pamahayag ni Pres. Duterte nga nagmando sa kontrobersiyal nga polis nga si Lt. Colonel Jovie Espenido nga bag-ohay lang gidestino isip operations chief sa Bacolod City Police Office.

Ang presidente namahayag atubangan sa mga negosyante sa gihimong 45th Philippine Business Conference and Expo nga pwede pamatyon ni Espenido ang tanan didto sa maong siyudad. Hinuon ang gipasabot sa presidente mao ang mga drug suspects.

Nganong nakontrobersiya si Espenido? Tungod kay sukad nga nilingkod si Duterte, kung asa siya madestino duna gyuy mangamatay nga mga gidudahang nalambigit sa illegal nga drugas.

Siya maoy hepe sa Albuera, Leyte dihang napatay sa mga polis ang detenadong mayor didto nga si Mayor Rolando Espinosa Sr., samtang napatay sab sa anti-drug operations si Ozamiz City Mayor Reynaldo Parojinog ug 14 ka mga kabanay ug mga sakop niini human madestino didto si Espenido.

Ang background ug pagkamatinumanong sundalo sa presidente ni Espenido makahatag gyud og kasikas ilabi na sa mga human rights advocates ug Simbahan nga daan ng kritikal sa drug war sa presidente.

Di na ikahibulong kun nganong gisaway nasab karon si Duterte tungod sa iyang bag-ong pamahayag. Apan angay pa bang ikakurat ang pamahayag sa presidente? Makadaghan naman niya kining gipanudya.

Angay gyud ikabalaka tungod kay dunay mga hitabo sa nakalabay nga tulo ka tuig nga gituohang pagabusar sa mga polis nga nagpasalipod sa pulong sa pangulo, daghan ang nangamatay nga drug suspects ug ang uban biktima sa extra-judicial killings.

Apan depende tingali kung literal kining sabton ni Espenido, kay nasayod man siya sa limitasyon sa maong kamandoan sa presidente.

Gikasohan si Duterte didto sa International Criminal Court og crime against humanity tungod sa dugoon niyang drug war.

Apan iyang giklaro nga wala siya magmando nga patyon diretso ang mga drug suspects, apan ikasuko niya kun ang polis maoy mapatay sa mga durugista.

MABALAKA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with