Nakulatahan kay mituman
BALITAHOM - Atty. Jose Marie N. Poblete (Banat) - September 15, 2019 - 12:00am

Usa ka Grab driver gikataho nga gikulata sa iyaha unta’ng pasahero human mo-insister pagpatuman sa lagda sa Grab nga hangtud upat (4) lang ka pasahero ang ilang pwede pasakyon ug lakip na sa kwentada bisan ang bata. Dinhi sa Pilipinas, gawas nga matag lagda adunay “exemption”, ang paglapas, inay pagtuman, sa lagda mao na usab ang naandan. Ni’ng higayona, ang nituman unta sa lagda, mao na hinoon ang makulataan.  Kadako’ng baligho!

Tagam kay Tapolan

Kapin sa 47 mil ka mga banay ang gitangtang sa listahan sa mga beneficiary sa Pantawid Pamilyang Pilipino Program kon 4Ps didto sa probinsiya sa Ilocos Sur. Nagkadaiya ang rason sa pagtangtang sama pananglit sa pagpanlimbong sa ilang tinuod nga kahimtang, pagkasugarol ug ingon man pagprenda sa ilang mga cash card. Resulta: Wala na’y ika-sugal, wala na pud ang 5-6. Tagaaam!

Baha na ang mopa-pahawa

Dili momenos sa 700 ka pamilya nga anaa manimuyo sa kilid sa mga kasapaan ang kinahanglan nga mopahawa sa ilang gipuy-an aron ma-implementar na sa kagamhanan sa Cebu City ang mga ‘flood control projects’. Plano sa siyudad nga ipahiluna ang maong mga banay sa laing lugar. Aaw, kon dili mouyon ang mga apektadong banay, basin baya og ang dakong baha na unya ang mopapahawa kanila.  Dili lang pud unta mahitabo!

Magbinuotan aron di mapriso

Adunay mga priso nga nabuhian na unta tungod sa pag-implementar sa R.A. 10592 kon Good Conduct Time Allowance Law apan nabalik pagtingkagol sa bilanggoan gumikan sa kontrobersiya nga nahitabo sa pag-implementar sa maong balaod. Pastilan ang tawo. Wa ba diay siya makaamgo nga magbinuotan unta siya daan aron dili mapriso; dili kay mapriso daan una pa magbinuotan! Mao na ni karon!

Gimaniobra ang resulta?

Sumala sa survey nga gipahigayon sa SWS pinaagi lang sa interview, diyotay ra ang mireklamo nga may nahitabong pagpanikas sa eleksyon niadtong Mayo 2019.  Alang sa uban, dili kasaligan ang resulta sa maong survey kay wala gi-apil pag-ihap sa SWS ang reklamo nga gipaagi sa social media sama sa Facebook ug Twitter.  Kay kon gi-apil pa, hayan lahi ang resulta. Hala, maniobra pa more!

MITUMAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with