Mga responsibilidad sa dog owner

Dear Atty. Divine,

Ang akong friend mi offer nako og puppy. Nagduha- duha ko sa pagdawat because I know nga dunay balaod kalabot niini.

Ang akong pangutana kun isip pet owner unsay ako unyang mga responsibilidad kun akong dawaton ang maong puppy? Daghang salamat

Cherrie,

* * *

Dear Cherrie,

Basi sa Anti-  Rabbies Act of 2007, ang dog owner kinahanglan nga mopabakuna sa iyang iro, iparehistro sab niya kini sa City or Municipal Veterinarians Office,  kinahanglan sab nga di kini niya buhian ug kun makapaak ang iro, ang dog owner maoy mobayad sa medical expenses sa napaakan lakip na sa ubang incidental expenses, kinahanglan sab niyang i-report sa ahensya kun  makapaak ang iro ug obserbahan kini.

Kinahanglan nga iyang atimanon ang iro, pakan-on ug ipahimutang sa saktong puy-anan.

Busa kun imong dawaton ang maong puppy then kinahanglan imong sundon ang maong balaod. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St.,  Cebu City or email  sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.