Di mohunong og paghot
SAKSAK SINAGOL - Lucky Malicay (Banat) - July 17, 2019 - 12:00am

Nakadawat kuno og bag-ong impormasyon si Presidente Rodrigo Duterte nga mibalik kuno sa negosyo sa ilegal nga druga si kanhi Daanbantayan mayor Vicente Loot. Kini matud pa sa rehiyonal nga buhatan sa kapolisan.

Miingon si Brigadier General Debold Sinas, ang direktor sa Police Regional Office-7, nga base sa impormasyon nga nakuha sa presidente, mibalik kuno sa pag-distribute ang kanhi police general nga si Loot og ginadiling druga sa Central Visayas.

Nahadlok kuno si Duterte, matud pa ni Sinas, nga mobalik ang dakong bul-og sa druga sa rehiyon, ilabina nga ang kanhi mayor na lamang kuno ang nahabilin sa mga iladong personalidad sa maong negosyo.

Ambot kun tinuod ba kining maong bag-ong alegasyon sa presidente. Sukad pa kaniadto ang iyang pag-alegar batok kang Loot. Ambot kon aduna bay binulto nga ebidensiya ang otoridad batok sa kanhi mayor.

In fairness ngadto ni Loot, walay criminal case ang gipasaka ngadto kaniya mahitungod sa giingon nga iyang kalambigitan sa druga. Hinuon kaso nga administratiba lamang ang gipasaka batok kaniya gumikan sa maong alegasyon.

Sa mga akusasyon batok sa kanhi heneral sa kapolisan, siya lamang mismo ang makatubag niini. Hinuon daan na siyang mihimakak niini ug nga wala kuno siya sukad malambigit sa maong negosyo, ilabina kaniadtong anaa pa siya sa serbisyo.

Apan dako usab nga talinghaga ngano nga padayong milihay si Loot gikan sa publiko ug sa mga miakusar kaniya, ilabina kang Presidente Duterte. Niining padayon niyang pagtagotago, dili usab nato mabasol ang publiko nga magsuspetsa nga basin kun tinuod usab ang alegasyon batok kaniya.

Hinuon dili usab nato siya mabasol si Loot sa iyang padayong pagtagotago. Klaro nga nahadlok si Loot sa iyang kaugalingon. Atong mahinumdoman nga giambus na siya kaniadto ug igo na kining rason ngano nga dili gayud siya mopatim-aw.

Niining bag-ong alegasyon ni Duterte batok kaniya, susama ra gihapon ang tubag sa kanhi general. Nga walay bag-o sa maong akusasyon. Aw, samtang anaa pa sa gahum si Duterte, morag dili gyud kini mohunong pagpaghot ni Loot.    

 

VICENTE LOOT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with