Manny giduslitan, misilaob
JAV BANATI - Javier Yntig Tapulado (Banat) - June 17, 2019 - 12:00am

Walay banggiitang boksidor nga makatupong sa gihuptang bulawanong rekord ni Senador Manny Pacquiao isip una ug nag-inusarang eight world boxing division champion sa uniberso sa pamoksing.

Gidayeg si Manny sa tibuok kalibotan tungod sa talagsaong abilidad nga iyang nahuptan.

Ultimong si Floyd Mayweather Jr., kinsa mipasiatab nga wala gyoy pilde sa iyang boxing career, layo ra kaayo kon ikumparar ang kakusog sa kaisog nga nagdilaab kanunay sa kasingkasing sa Pambansang Kamao.

Nag-abot na si Manny ug Floyd sa kuwadradong ring, diin midaog man tuod ang bentahosong Floyd, pero sa kontrobersiyal nga desisyon gikan sa mga judges nga ambot, giunsa kaha nila pag-ihap ang mga nagpungasing kumo ni Manny nga gipatugpa sa nawong ni Floyd, nga si Floyd man gihapon ang nakaiskor og dako bisag makita nga mas daghan ang iyang atras-dagan, kay sa gibuhiang mga suntok?

Gani, gihagad ni Manny si Floyd og rematch. Ay, nangunggo ang

African-American, uy! Labi na kay gipakita ni Manny kon giunsa pagkulata si Adrien Broner niadtong kinaulihang fight ni Manny?

Pastilan, si Floyd naamang. Nestatuwa. Wala gyoy trash talks!

Dili pareha ining Keith Thurman, 30, kinsa maoy ikaparang ni Manny ubos sa World Boxing Association title bout didto sa Las Vegas karong Hulyo 20, kinsa, puwerting hambogeroa. Niya pa, kon unsa kunoy gibuhat ni Manny niadtong panag-abot nilang Oscar dela Hoya ibabaw sa ring, diin giparetiro kining Manny, mao sab kuno kini ang buhaton ni Thurman ngadtong Manny.

Mibahad si Thurman nga iyang ilansang si Pacquiao kinsa wala pa kuno makaagig batan-on, kusgan ug gutom nga boksidor sama niya. Pagkahait sa mga pulong nga iyang gipalupad!

Si Manny nga nakadungog, daw dahong laya nga giduslitan sa nagdilaab mga insulto ning hanginong boksidor nga wala pa makatilaw sa mga puthawng kumo ni Manny.

Nasunog ang inampingan niining kapamahiubsanon ug sa unang higayon, misilaob ang kalayo sa usa ka nagkagot nga panganti, nga pahilomon kuno niya ang sabaang baba ni Thurman ning umaabot nilang away.

Gimingaw na kaha si Manny sa iya kanhing mga knockout nga kadaugan?

Unta, ning panag-engkuwentro nilang Thurman, ato na sab kining masaksihan.

GIDUSLITAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with