Ang pan
AMBOT LANG - Gerry Auxilio (Banat) - April 25, 2019 - 12:00am

Tungod sa pan anaa koy nahinumduman ug kini ang pahinumdom kaniadto sa usa ka sikat nga Bakery nga ang mensahe nga gustong ipaabot niini sa publiko ang kalami sa ilang pan. Usa sa mga adik og pan mao ang akong amahan nga kun mamauli gani mi sa among probinsiya wala gyoy laing ipanugon nga ipadala gawas sa pan.

Ang pan lami. Mao ni atong ikauban sayo sa atong pagpang kape ug bisan sa atong pagpamahaw, meriyenda sa buntag ug sa hapon.

Tungod sa ka kusog nato mokaon og pan, midaghan ang mga panaderia o bakery sa bisan asa nga lugar sa Pilipinas.

Pero tungod sa pan, ang mga polis nga sakop sa City Mobile Force Company nga nagpahigayon og checkpoint atubangan sa balay ni Mayor Tomas Osmeña sa Barangay Guadalupe ang gi-recall ni Heneral Debold Sinas. Mikaon kuno sila sa pan nga gihatag sa asawa sa mayor niadtong Huwebes Santo.

Ang heneral nagkanayon nga dili angayan nga modawat og pagkaon nga itanyag ngadto kanila ang mga polis tungod sa duha ka rason: una, seguridad; ikaduha, delicadeza.

Sa hisgotanang seguridad, nahadlok ba si Heneral Sinas nga hiloan sa asawa sa mayor ang iyang mga polis nga nagpahigayon og checkpoint sa ilang tugkaran? Ang pagkaon ba sa pan nga gihatag sa asawa sa mayor covered sa rule sa delicadeza? Pila ba diay ka truck nga pan ang gipakaon sa mga Osmeña ngadto sa mga polis nga nag-checkpoint?

Kay gidili ni Heneral Sinas ang pagkaon sa pan nga ihatag ngadto sa iyang mga polis nga nagpahigayon og check point sabton ba pod nato nga wala dawata sa heneral ang mga mahalon nga ilimnong makahubog nga gihatag sa mga adunahan. Wala ba mangayo og lechon ang mga opisyal ni Heneral Sinas sa mga magpapatigayon sa matag higayon nga adunay kalihokan ang ilang buhatan? Wala ba kini labot sa iyang gitawag nga delicadeza?

ANG PAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with