Health card
LINTUNGANAY - Fred Languido (Banat) - April 18, 2019 - 12:00am

Wala na bay bisan gamay nalang nga kaikog ang mga opisyal sa Kapitolyo nga lakip ang batakang serbisyo sa gobyerno gamiton sa pamolitika?

Ingon ana na ba ka disperado sila si Gobernador Hilario Davide III ug Bise Gobernador Agnes Magpale nga hasta ang paghatud sa serbisyo sa maayong panglawas ilang gamiton nga puhonan alang sa ilang personal nga mga ambisyon?

Mao ba ni ang ilang kanunay nga gipasiatab nga disente ug ligdong nga pamolitika?

Pipila sa mga health workers sa probinsiya ang nangreklamo tungod kay dili nila madawat nga gamiton sa politika ang paghatud sa batakang serbisyo sa panglawas ngadto sa mga kabus.

Ang gihimo nilang Davide ug Magpale mao ang pagpanghatag og mga provincial health cards nga dunay ilang mga dagway.

Sigun sa akong tinubdan ang maong mga health cards maoy ipakita ngadto sa mga health facilities nga gidumala sa lalawigan aron sila makakuha sa libre nga serbisyo.

Unsa may buot ipasabot sa kagamhanan sa probinsiya nga dili makapahimulos sa serbisyo sa mga district hospitals ug ubang health facilities sa lalawigan ang wala niining maong health card?

Nakalimot na ba ang mga opisyal sa Kapitolyo nga ilang responsibilidad ang paghatud sa serbisyo ngadto sa tanang Sugboanon?

Tinuod nga normal lang sa mga incumbent nga mga opisyal nga makapahimulos sa resources sa gobyerno, apan pagbaton sab mo og dyutay’ng kauwaw.

Dili nato gamiton ang panudlanan sa gobyerno alang sa klaro kaayo nga pamolitika. Akong balikon inyong responsibilidad ang pagserbisyo sa tanang Sugboanon naghupot man sa inyong health card o wala.

Kun dili politika ang tumong niini, angayang ipasabot sa Kapitolyo unsay kapuslanan nga migasto ang probinsiya pagpaimprinta sa maong mga cards.

Niining semana santa hinaut makahuna-huna ang tanang opisyal sa gobyerno nga nagpapili karong umaabot eleksiyon nga dili husto ang paggamit sa ilang pwesto aron iduso ang personal nga interest.

HEALTH CARD
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with