Caindec vs Tomas
TIKDOL SA PORDOY - John Rey Saavedra (Banat) - July 16, 2018 - 12:00am

Kon tumanon ni Mayor Tomas Osmeña iyang bahad nga i-pull out ang mga traffic enforcer nga sinuweldohan sa siyudad nga nagpatuman sa balaod trapiko sa Mambaling area, magkaguliyang ang tibuok siyudad sa Sugbo.

Nagsugod ra gyud kini sa panglabtik ni Tomas sa regional director sa Land Transportation Office (LTO-7) nga si Vic Caindec. Unang gibirahan sa mayor si Caindec sa Facebook kay lagi kuno adunay mga tag-iya og motorsiklo nga nangreklamo kaniya tungod kay dugay kuno ma-release ang registration sa ilang mga motorsiklo.

Mao kini makadaot kon ang governance sa mayor anaa lang sa Facebook. Kay kon tarong pa unta siya, iya unta giimbestigar ang mga reklamo (kon tinuod nga aduna man).

Unya mahimo niya kining ipadangat pinaagi sa pagsulat sa LTO-7 o sa Department of Transportation (DOTr) sa kauluhan.  Wala unta niya isibya sa Facebook ang reklamo (kuno) sa mga tag-iya og motor.

Kasinatian usab nako kini. Upat na ka motor miagi sa akong kinabuhi. Tanang motor akong napalit nga cash. Pero bisan cash, puwerteng dugaya ma-release sa registration. Wala ko kahinumdom nga wala ko makasugat og problema sa registration sa upat nako ka motor. Tanan problema gyud.

Kadto Kawasaki Baja nga akong napalit duol sa akong trabahoan, mi-upat ka bulan wala gyud ma-release. Ang supervisor sa tindahan mipasangil nga ang LTO-7 nga nagbase sa Natalio Bacalso Avenue dugay kaayong mo-release sa registration.

Apan sa dihang miaksiyon ko’g kuha sa akong cellphone kay tawagan nako si LTO-7 registration head Alita Pulga, natuk-an ang supervisor ug miingon nga naa pa diay  sa ilang file kay itingob ra og submit sa LTO. Pagka-ahak na lang gyud.

Ang akong Honda CRB sa laing tindahan hapit tulo ka bulan ang registration. Apan ang rason kay tua diay sa Toledo giparehistro unya tingob-tingob ang pag-adto tungod sa kalayo.

Kahibalo ang mayor nga ang problemado mao ang mga palitanan og motor?

Mibawos si Caindec pinaagi sa pag-ingon nga “ikaw dire sa LTO, akoy mag-mayor” dala ang pag-ingon nga wala man gani makasulbad ang mayor sa traffic sa Mambaling. Hangtod kini nauli sa hagit nga mo-resign ang mayor kon siyay makasulbad sa traffic.

Nagtuo ko nga masulbad ni Caindec ang problema sa trapiko sa Mambaling. Ang pangutana kon tinud-on ba ni Tomas ang pag-resign kon makahimo si Caindec?

Dili ba kaha moingon lang si Tomas “nailad ra mo.”

Si Caindec bag-o lang nanglimpyo diha sa LTO-7. Aduna siyay mga opisyal nga gipasakaan og kaso tungod sa mga anomalosong transaksiyon.

Dili ba kaha konektado ni Tomas kanang mga tawong naapil sa panglimpyo ni Caindec diha sa LTO?

Ug kumusta naman diay kadtong mga negosyanteng alalay ni Tomas nga anaa manguwarta sa LTO kaniadto? Naa pa ba?

 

TOMAS OSMEñA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with