Bugti sa pagbudhi
RENBOR PATROL - Rene U. Borromeo (Banat) - April 24, 2018 - 12:00am

Bisan og wala pa itugot ang pangampanya, pero daghan na kaayong kandidato, apil na kadtong naka-file na sa ilang certificates of candidacy (COC) nga nagsuroy-suroy na sa kabalayan sa mga botante.

Dili na lang tingali na angay’ng estriktuhon pag-ayo kay mora’g hapit tanan sa mga kandidato naghimo man niini, busa patas ra sila. Gipanid-an nako ang mga dapit nga gidumala kaniadto sa mga alyado ni Mayor Tomas Osmeña, apan ang mga kapitan mibudhi ug gibiyaan siya.

Sigurado man gyud nga dili makatugot si Osmeña nga kining maong mga opisyal magpadayon sa ilang katungdanan. Nadasig ko pag-monitor sa Barangay Lorega-San Miguel nga gipuy-an nako sulod sa 10 ka tuig kon unsay dagan sa politika.

Ang kapitan niini nga si Fritz Herrera alyado ni Osmeña kaniadto, apan mibali kini sa kaatbang nga grupo. Karon, ang gisuportahan ni Osmeña mao ang usa sa mga konsehal nga si Glenn Mark Manal, kinsa maoy bugtong konsehal nga wala mobiya sa BOPK.

Pipila sa akong mga kaila sa Lorega, nakapangutana kon unsa kaha ang mahitabo sa ilang barangay kon dili alyado sa mayor ang makadaog? Nabalaka sila nga tingali og dili na sila hatagan og daghang proyekto. Aw,  posible sab.

Pastilan bitaw sab si Kapitan Fritz uy, gitabangan siya pag-ayo ni Osmeña kaniadto pagkadisgrasya niya, unya gihimo pa gyud siya nga unang deputy mayor.

Wala pa mauso kaniadto ang pagtudlo og deputy mayor, ug gihatagan na siya sa maong titulo, apan gibiyaan man niya si Osmeña. Ngano kaha?

Nasayod ko sa kahiubos ni Osmeña ngadto ni Fritz kay pinangga kaayo kini siya kaniadto, apan gibudhian man niya. Mao kini karon nga sigurado ko nga kini si Konsehal Glenn Manal tabangan gyud pag-ayo ni Osmeña aron siya makabawos.

Tan-aw nako, wala man sab gyud mamaayo pagkadumala ang Lorega ubos sa administrasyon ni Kapitan Fritz kay samtang nindot na unta ang pag-subdivide sa kabalayan nga nasunog kaniadto, may mga karsada na unta aron nga makasulod dayon ang mga bombero kon may sunog, apan karon gubot na usab kaayo.

Unsaon nga gitugotan man nga ang kabalayan magbutang og mga extension nga anaa na sa karsada. Aw, kana lang moagi ko diha sa Lorega Street unahan sa karaang ihawan paingon na sa Imus New Road, wala badlonga ni Fritz ang mga naninda nga anaa na sa aseras.

May mitug-an nako nga padayong mikuyanap ang ilegal nga drugas diha sa Sitio Itum Yuta nga duol ra gyud kaayo sa barangay hall. Kon ngano? Ambot lang. Hisgotan nato ni unya.

CERTIFICATES OF CANDIDACY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with