Kwarta sa panglungag?
TIKDOL SA PORDOY - John Rey Saavedra (Banat) - February 16, 2018 - 12:00am

Unsa ka tinuod nga nag-walkout si Mayor Tomas Osmeña sa wala pa miabot si Presidente Duterte alang sa meeting uban sa mga mayor sa Kabisay-an niadtong Lunes, nga gihimo sa usa ka dakong hotel sa siyudad?

Pero dali nga nakasulti si Tomas nga didto siya sa maong panagtigum apan milingkod lang sa layo, busa wala siya magka-estorya sa presidente.      Ang dakbayan sa Sugbo maoy nagsilbe nga host city sa maong panagtigum sa mga mayor ug sa presidente.

Kon tinuod nga wala motambong si Tomas sa meeting, usa kini ka dakong insulto alang sa presidente. Apan human na niya giingon nga didto siya. Wala na ta’y malalis pa.

Pero kon didto siya, makasulti siya unsa man gyuy gituki sa presidente? Kinsa man ang mga mayor nga iyang katupad atol sa pagpakigpulong sa presidente kanilang mga mayor.

Dili hinuon makapamakak ang mayor niining kalakiha. Adunay daghang witness, adunay mga ebidensiya sama sa CCTV. Maayong magsulti na lang siya sa tinuod nga mibiya siya bisan wala pa ang presidente miabot sa hotel alang sa ilang meeting.

* * *

Kanang mga pagpamangag sa Department of Public Works and Highways (DPWH-7) maayong ipahunong na ni Secretary Mark Villar mentras wala pa na makaabot sa presidente.

Naanad na lang kining DPWH-7 sa pagpanglungag sa mga national road. Sumala pa sa usa ka kontraktor nga mao kini ang mas dali nga kapanguwartahan nga proyekto kay sa ubang mga proyekto.

Matud pa sa kontraktor nga makalungag lang ang usa ka kontraktor alang sa usa ka proyekto sama sa open drainage project, dali ra kaayong makapagawas og pundo ang DPWH-7.

Kinsa may magbahin sa kita niining pagpanglungag? Dili unta mokalas og kinabuhi sa usa ka engineering graduate kadtong lungag sa barangay Bulacao kon wala pa’y ingon niini nga proyekto ang DPWH-7.

‘Sa Facebook, nagbaha ang pagsaway sa maong binuang. Nakadawat og simpatiya sa mga tawo si Norman delos Reyes nga namatay tungod sa pagkatagak sa iyang motorsiklo sa gibangagan nga karsada sa Bulacao.

Pero atol sa meeting sa Metro Cebu Bridge Management Board, si Engineer Nonato Paylado, ang hepe sa Planning Division sa DPWH-7, likay kaayo sa pangutana kalabot sa panguwarta sa lungag-lungag sa karsada.

Hinoon, iyang gipasa ang sala ngadto sa mga kontraktor nga pakyas pagbutang og mga safety measures aron wala’y madisgrasya sa mga lungag.

Mag-ampo lang ang DPWH-7 nga dili makaabot sa presidente kining ilang kalaki. Usik-usik ra gyud sa pundo kining pagpanglungag. Sama nianang open drainage project sa unang distrito nga gipundohan sa DPWH-7 og P47 milyones. Pero wala gyud kasulbad sa baha sa Talisay ug sa Minglanilla.

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with