Siyaro’g di sila mahurot!
IYO ANTOY - Iris Gonzales (Banat) - June 11, 2016 - 12:00am

“Duterte eyeing 50 executions every month – lawmaker,” Mao kini ang gilantaw ni President-elect Digong Duterte sa higayon nga ma-impose pagbalik ang death penalty dinhi sa atong nasud.

Kun 50 ka drug lord ug ubang dagko nga criminal matag buwan ang bitayon (kun bitay man ang mahimong balaod, dili lethal injection), dili abtan og tulo hangtod unom ka bulan, mahurot pangamatay ang maong matang sa mga kriminal.

Gani karon, wala pa makalingkod si Duterte, wala pay klaro kun ma-impose ba pagbalik ang death penalty, mikurog na ang mga malapason sa balaod, ug ubay-ubay na nga migamit ug namatigayon sa gidiling drugas ang nadakpan, ang uban, namatay.

Sa ato pa, kining maisugong pamahayag ni Duterte batok sa drug problem ug ubang matang sa kriminalidad, nahimo na nga deterrent pag-commit sa crime. Makasanta na paghimo’g salaod.

Nga kun maninuod lang gayud ang kapolisan ug ubang mga law enforcement agencies pagpatuman sa mga balaod, ug paggukod sa mga badlungon sa katilingban, dako ang kahigayonan nga masumpo ra ang criminality sa tibuok nasud.

Usahay gud, makaingon kita nga gumikan sa pagka-lax, pagkalaksot sa law enforcement, misiaw ug migara ang mga kriminal. Ultimong mga PUJ driver – moyano-yano la’g supak sa mga balaod sa trapiko. Nagsalig nga ang mga law enforcers molingiw lang.

Karon, with Duterte at the helm sa pagpangagamhanan, atong mapaabot ang tiunay nga pagpatuman sa mga balaod, if only to discipline ourselves. Matud pa: Sa ikauunlad ng bayan, disiplina ang kailangan.

* * *

Naka-submit na ang mga politiko sa ilang mga SOCE kon Statement of Contribution & Expenses. At a glance, di katuohan ang ilang mga nagasto sa miaging kampanya , ug dili usab kita makatuo kun sa mga contribution nga ilang nadawat.

Apan, wala na kita’y mahimo niini. Lagmit ang Comelec walay tinguha pagmatuod sa mga statements nga ilang gidawat. Ang concern lang nila mao nga maka-submit lang sa SOCE, okay na, matinuod man, ma bakak ba ang mga gipamahayag sa mga kandidato.

Among others, mo-demand unta ang Comelec og mga notarized nga statement sa gasto gikan sa mga radio-TV stations, gikan sa mga mantalaan, gikan sa mga printing press, mga tiggama sa tarpaulin, tigprinta sa mga T-shirt, ubp.

Ingon man, maayo sab unta maningil ang Comelec kun pila’y nagasto sa usa ka kandidato pagbayad sa mga barker ug mga blocktimer, kansang tuyo mao lang ang pagdaot sa mga kaatbang sa politika sa ilang amo.

Otherwise, walay kapuslanan ang SOCE.

CEMEX HOLDINGS PHILIPPINES PHILIPPINE STOCK EXCHANGE SECURITIES AND EXCHANGE COMMISSION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with