Mga pahimangno

Pagkadali modagan sa panahon, gani magpakli na pud kita sa atong kalendaryo kay mosulod na kita sa buwan sa Mayo gani ugmang adlawa atong gihandom ang adlaw sa atong mamumuo usa ka pista opisyal.

Ug labaw sa tanan hapit na  ang bugnong lugaynon karon Mayo 9, 2016 diin mamili na pud kita og bag-ong lider nga maoy modala sa rinda sa pangagamhanan.

Akong gihisgotan ang eleksyon sanglit ang Bureau of Fire Protection usa sa daghang mga ahensya nga gipatawag sa COMELEC nga moabag niini sa  pag- abag niini aron masiguro nga luwas sa sunog ang mga gitapok nga PCOS machines ug uban pang mga kahimanan ug dokumento nga gamiton sa piniliay.

Gani mao kini ang nasabotan sa meeting nga gipatawag sa COMELEC niadtong milabay’ng adlaw. Hangyo namo sa publiko sa adlaw sa piniliay, isiguro gyud ninyo nga naibot ang tanang nakasaksak nga electrical appliances aron makasiguro kita nga luwas sa sunog.

Ang inyong kabomberohan nanghinaot nga hapsay ug magmalinawon ang atong eleksyon.