Force to good ang One Cebu
TIKDOL SA PORDOY - John Rey Saavedra (Banat) - February 2, 2016 - 9:00am

Nganong dili man ganahan mosuporta si Acting Mayor Edgardo Labella sa ordinansa nga gipasar sa konseho aron maghatag og usa ka tuig nga moratorium sa pagpang-demolish sa kabalayan sa siyudad sa Sugbo?

Ang ordinansa nga gipangamahanan ni Konsehal Alvin Dizon igo lang nangayo og usa ka tuig nga pag-undang sa pagpang-demolish og kabalayan, butang nga dili angay ikasakit ni Labella.

Hinuon, bisan si Labella ang mayor karon sa siyudad, klaro man nga naggawong gihapon kaniya ang suspendidong mayor nga si Mike Rama. Siyempre, kun sugoon ni Mike si Labella nga ipa-veto ang ordinansa, sila may kauban sa partido, sila ang magkasinabot.

Sukad nahimong mayor si Mike Rama, pila na ka gatus ka pamilya ang iyang gipahilak pinaagi sa pag-demolish sa ilang kabalayan nga wala’y gitanyag nga relocation site?

Gani, makaingon ko nga double standard ang administrasyon ni Mike kay human sa demolisyon sa gatusan ka mga pamilya, ilabi na sa mga nanimuyo duol sa Doña Pepang cemetery sa Tejero, naglabanlaban kini sa mga informal settlers sa UP lot pinaagi sa reblocking bisan dili ila ang luna.

Kun ipamolitika ni Labella ang moratorium sa demolisyon, i-veto niya kini. Ug kun gitan-aw niya ang katungod sa mga biktima sa demolisyon, pirmahan niya kini, bahala na ang hulhog ni Mike.

* * *

Makatabang ba sa One Cebu ni Winston Garcia ang pagsuporta sa kandidatura ni Bise Presidente Jejomar Binay?

O napugos ang One Cebu pagsuporta kang Binay kay wala na kini laing kasandigan nga dakong partido alang sa Mayo 9, 2016 nga eleksiyon?

Sa inengles pa, "force to good" ang Once Cebu sa United Nationalist Alliance human nag-anam og kahanap ang kampo ni Senador Grace Poe tungod sa mga kasong giatubang niini kabahin sa iyang citizenship ug residency requirements.

Sa pagsugod og pahibalo ni Winston nga modagan kini pagka-gobernador atbang kang Gobernador Junjun Davide, misibaw ang huhungihong nga adto kini mosuporta kang Grace Poe, ang kandidatong giduso ni Danding Cojuangco ngadto sa iyang mga higala, apil niini si Winston.

Sa wala pa ang Sinulog, nagbalikbalik na si Binay dinhi sa Sugbo. Bisan unsa na lang ang iyang buhaton pagpasikat, usa niini ang pag-post sa Facebook sa usa ka tarpaulin nga "Cebu is Binay Country."  Ang post giulan og mga pagsaway sa mga netizens, nga nagpasabot nga nasuko sila sa pangangkon ni Binay nga suportado siya sa mga Sugboanon.

Niadtong Sinulog, nagpakaulaw si Binay og saka sa entablado sa Cebu City Sports Center. Sa dihang gi-introduce ug mosugod na unta og estorya, daghan ang mga mi-boo kaniya.

Sa dihang miingon si Mike nga modaog si Binay sa Sugbo, gisupak kini sa iyang maestro, si kanhi mayor Tomas Osmeña nga linya sa Liberal Party ni Mar Roxas.

Dili ba hinuon maduhig ang One Cebu sa mga kasong kurapsiyon ni Binay?

ANG ATILDE BINAY BINAY COUNTRY BISE PRESIDENTE JEJOMAR BINAY CEBU CITY SPORTS CENTER MGA MIKE RAMA NGA ONE CEBU SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with