^

Banat Opinyon

EDITORYAL - Plitehan pakubsan

Rene U. Borromeo - Banat

Sagad sa mga public utility jeepney kon PUJ, krudo ang gigamit sa pagpaandar sa iyang makina. Wala malilong kanato nga mius-os na pag-ayo karon ang presyo sa krudo, tag P19 na lang ang litro.

Angay gyud unta nga ang kagamhanan, pinaagi sa Land Transportation Franchising and Regulatory Board (LTFRB), abtik nga mohimo og adjustment sa kantidad sa plitehan. 

Kun padayon lang nga magkyugpos sa ilang mga bukton ang kadagkoan sa LTFRB, ang mga drayber sa PUJ lang maoy mabulahan kay dagko man kaayo’g ganansya apan makalulooy ang mga sumasakay.

Ang mga drayber og PUJ hilabihan kasabaan kun adunay pag-umento sa presyo sa krudo ug gasolina, apan magpakahilom lang kun motidlom pag-ayo ang kantidad sa fuel products.

Dugay ra nga adunay mga yangungo gikan sa publiko nga nangindahay sa LTFRB nga mohimo unta sila og lakang aron pakunhoran ang kantidad sa plitehan.

Niining ubos na kaayo nga kantidad sa krudo, bisan og himuon pa nga P6 ang minimum nga plitehan, ang mga drayber sa PUJ dili gihapon alkanse.

Pananglit ang PUJ gikan sa Barangay Busay tag P10 ang ilang kolekta kada pasahero paingon sa downtown. Kun puno ang PUJ, mosulod kini og 20 ka tawo busa ang drayber mokita og P200. Kay saka-kanaog man ang pasahero, moabot pa’g P300 ang ilang makolekta sa usa lang ka biyahe.

Kay mokunsumo man lang og kapin sa usa ka litro ang PUJ paingon sa downtown area, hayahay pa sa polis ang mga drayber karong panahona.

Adunay katungdanan ang kagamhanan nga mao ang pagtan-aw nga dili usab kaabusohan ang mga sumasakay, mao nga ang LTFRB angay na gayud nga molihok aron pakubsan ang plitehan sa PUJ sa labing dali nga panahon.

ADUNAY

ANG

ANGAY

BARANGAY BUSAY

DUGAY

KUN

LAND TRANSPORTATION FRANCHISING AND REGULATORY BOARD

LANG

MGA

NGA

PUJ

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with