Saup gitanyagan sa pagpalit sa yuta
LEGAL CORNER - Atty. Divine Flores (Banat) - December 26, 2015 - 9:00am

Dear Atty. Divine,

Mangutana unta ko bahin sa yuta nga gisaupan sa akong mama sud sa dugay na nga panahon. Niadtong 2013, mibalhin mi og puyo sa siyudad hinungdan nga hangtod karon among nabiyaan ang yuta nga among gisaupan, ug ang among mga tinanom sama sa mga lubi ug kasagingan ang tag-iya na sa yuta ang nag-ani. Karon gusto nila nga ibaligya sa amoa ang yuta. Ang among pangutana duna bay posibilidad nga mapalit namo og barato nga presyo sa maong yuta kun among paliton kay saop man mi sa dugay na nga panahon? Ug kun dili pa namo mapalit, naa ba sila’y katungod nga pahawaon mi sa yuta nga among gisaupan gumikan kay wa kini namo puy-i sud na sa kapin sa duha ka tuig? — Lito

  

Dear Lito,

Kun interesado mo sa maong property, mas maayo nga inyong pangutan-on ang tag-iya kun pila ang presyo sa yuta ug kun mahal ra alang kaninyo, then inyong hangyuon nga pakubsan kay ang ubang tanom sa maong yuta kamo ra man sab ang nagtanom ug posible nga mouyon ra sab ang tag-iya niini sa presyo nga makiangayon sa matag habig. Apan kun dili ninyo paliton ang yuta ug ibaligya kini sa lain, posible gyud nga hingpit nang mapapas ang inyong pagkasaop, ilabi na kay boluntaryo ninyo kining gibiyaan sud na sa kapin sa duha ka tuig. Mas maayo unta nga bisan kun namalhin na mo sa pagpuyo, inyo gihapon nga giatiman ang yuta ug ang umahan aron at least dili sila kapasangil kaninyo nga inyong gi-abandon ang yuta nga inyong gitikad. Kun pananglit papahawaon gyud mo, then mahimo sab kamo nga mohangyo sa tag-iya og gamay nga compensation o bayad sud sa daghang katuigan nga kamo nag-atiman sa maong yuta. Depende ra gyud kini sa inyong sabot sa tag-iya sa yuta. Mahimo sab ka nga mokunsulta sa taga DAR labot sa inyong katungod sa maong property. Daghang salamat ug Merry Christmas and a Happy New Year kanimo ug sa imong pamilya.- —Atty Divine

 Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

ANG ATTY DIVINE BANAT NEWS CEBU CITY DEAR ATTY DEAR LITO GULLAS ST. INYONG KUN NGA YUTA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with