Ang pagpangayo’g pasaylo ni Duterte
IYO ANTOY (Banat) - December 4, 2015 - 9:00am

Kining pagpangayo og pasaylo ni Mayor Rody Duterte, nagpasabot nga iyang giangkon nga dili maayo kadtong iyang offensive nga mga pulong batok sa Santo Papa.

Ang iyang mga dumadapig natagbaw og eksplikar nga ang iyang gipanghimaraot, dili ang Santo Papa, kon dili ang trapiko. Maoy gidangat!

Sa ato pa, sa iyang pag-ingon nga “umuwi ka,” ang trapiko maoy buot niyang pauwion? Asa man mopauli?

Anyway, human na kadto ug lagmit, makalimtan na sa katawhan on election day. After all, nangayo na man siya’g pasaylo.

Gawas pa, ordinaryo na kaayo ni Duterte nga bisa’g kinsa na lang ang iyang balikason. Ang nakadaot lang kay iya man nga gilakip ang Santo Papa.

Of course, ato siyang mapasaylo. Apan, ang ubang dumadapig ni Duterte, miingon nga ilang mapasaylo si Duterte, apan, dili na sila mobotar niya.

Alang nila, ila nang nasayran ang kinatibuk-ang pagkatawo ni Duterte ug ilang ma-imagine unsa unya nga matang sa pagkatawo ang sunod nga presidente kun mudaog si Duterte.

Mo-stick lang unta siya sa iyang pakigbisog batok sa kriminalidad; batok sa daw-dili na masumpo nga drug problem nga mikuyanap na sa tibuok kapupod-an (gawas sa Davao City); pagdisiplina sa kapolisan; pagpuo, once and for all, sa corruption; paghusay, peacefully sa panagbangi karon sa atong nasud ug sa higanteng China; pagkab-ot sa kalinaw sa Mindanao;  pagpakigharong sa climate change; pagsanta sa smuggling; ug labaw sa tanan, ang pag-shift to the Federal form of government, from the present conducive-to-corruption system of government.

Mayor, just stick to the issues ug ayaw pakapini og mga expletives ug mga offensive nga mga languages. Dili ni maayong paminawon, ilabina kun magagikan sa baba sa buot mangulo sa 100 milyones ka Pilipinhon. Duna bay mga adviser si Duterte?

* * *

Si Senador Grace Poe namasangil kanila ni Vice President Jejomar Binay ug kanhi Interior Secretary Mar Roxas nga maoy nagpaluyo sa mga disqualification cases nga gipasaka batok  kaniya.

Sa atong pagsulat niini, wala motubag personally sila si Binay ug Roxas aron ipanghimakak ang allegation ni Poe. Kun ako pud, di sab ko mangunay og tubag uy!

By the way, maayo nga mag-anad-anad ta og gamit sa apelyido ni Grace nga Llamanzares, kay inigdaog niya pagka-presidente, i-renounce sa iyang bana ug mga anak ang ilang pagka-American citizens.

Kay lain paminawon nga ang First Gentleman ug First Family mga American Citizens.

Unya … Mabuhay President Grace Poe Llamanzares! Welcome to the Philippines!

 

AMERICAN CITIZENS ANG DAVAO CITY DUTERTE FIRST FAMILY FIRST GENTLEMAN INTERIOR SECRETARY MAR ROXAS IYANG MGA NGA SANTO PAPA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with