^

Banat Opinyon

Roxas ang modaug

AMBOT LANG - Gerry Auxilio - Banat

Sa survey nga gitawag og Ulat ng Bayan sa Pulse Asia nga gipahigayon kaniadtong Septiyembre 8-14, nag-una gihapon si Senador Grace Poe.

Mikuha si Poe og 26 porsiyento ug gisundan siya nila ni kanhi DILG Secretary Mar Roxas nga adunay 20 porsiyento, Bise Presidente Jejomar Binay nga adunay 19 porsiyento ug Davao City Mayor Rodrigo Duterte nga adunay 16 porsiyento.

Sa Metro Manila ug Luzon, nanghawod si Poe diin nakakuha siya og 26 ug 31 porsiyento samtang gitugsok usab ni Roxas ang iyang bandira sa Visayas diin suportado siya sa 34 porsiyento ug gikoral usab ni Duterte ang iyang balwarte nga Mindanao diin siya ang paborito.

Ang maong survey nagtug-an usab nga mius-os ang porsiyento sa rating ni Poe ug 4 porsiyento kun itandi sa nasundan nga survey, mao usab ang kang Binay diin 3 porsiyento nga mikanaug sa iyang numero samtang milayat na usab ngadto sa 10 porsiyento ang pagsaka sa rating ni Roxas ug ang kang Duterte misaka usab og usa ka porsiyento.

Wa g’yud ko masayop sa akong basa nga kun magkuyog si Mar Roxas ug Digong Duterte maglawig na ang ilang kadaugan paingon sa Malakanyang tungod kay suportado sila sa Visayas ug Mindanao base sa survey. Gawas sa Mindanao makakuha pa usab sila og suporta sa Metro Manila ug Luzon tungod sa kadaghang taga Visayas ug Mindanao nga tua na nanimuyo didto.

Kun imong tan-awon sa survey, si Binay lang ang wala’y balwarte, busa ang akong basa dili siya makaabot sa Malakanyang. Sa una, siya ang kanunay nga nag-una sa survey ug iyang gibiyaan og milya ang nagsunod kaniya apan inanay nga mikanaug ang iyang kasikat hangtud nga siya naapsan na ni Poe.

Sa pagkakaron si Poe na usab ang inanay nga mikanaug ug hinayhinay nga mikatkat sa iyang puwesto si Roxas mao nga nagtuo ko nga sa pag-abot sa adlaw sa piniliay, si Mar Roxas ang mogawas nga mananaug, ilabi na kun magkuyog silang duha ni Digong Duterte.

ANG

BINAY

BISE PRESIDENTE JEJOMAR BINAY

DIGONG DUTERTE

MAR ROXAS

MINDANAO

NGA

PORSIYENTO

ROXAS

USAB

VISAYAS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with