^

Civil Aviation safety luwas pa ba?

TINGOG SA KATAWHAN - Machete Sioux (Banat) - January 2, 2015 - 12:00am

Nahimong demalas ang tuig 2014 alang sa airline industry ilabi na sa Malaysia kansang tulo ka mga pasaheroan ang nangahagsa, ang tanan wala pay klaro kun unsay hinungdan ug kung kinsa angay nga manubag sa pagpasagad.

Sayo niining tuiga, na-missing ug gituohang nahagsa sa Indian Ocean ang Malaysian Airline Boeing 777 flight MH370  gikan sa Kuala Lumpur padung sa Biejing luwan ang kapin dos siyentos ka mga pasahero.

Hangtud karon walay nakit-ang bisan usa ka debris sa maong abyon ug nagbilin og dakong tanghaga sa aviation authorities bisan sa ka moderno na sa mga nasud nga miapil sa search and rescue operations sama sa China, Amerika, Britanya, Australia, Singapore ug India.

Nasundan pa g’yud kini sa laing abyon sa mao gihapong kompanya nga nahagsa nga mao ang Flight MH17 gikan sa Amsterdam padung gihapon sa Kuala Lumpur nga dunay kapin sa 298 ka pasahero og        crew.

Apan ning hitaboa, man-made o binuhatan sa tawo maoy gitumbok nga hinungdan human nga gigawas sa inisyal nga imbestigasyon nga gitirahan kini og surface to air missile sa mga rebeldeng pro-Russian Ukrainians sa Eastern Ukraine.

Lima ka adlaw na ang milabay, ang giendorsar ni 8-world division Manny “Pacman” Pacquiao nga mao ang budget airline sa Southeast Asia nga AirAsia  nalambigit og trahedya human ang Airbus 320-200 niini nahagsa sa Java Sea gikan sa Surabaya padung sa Singapore luwan ang 162 ka mga pasahero.

Niadtong Martes, miabot na og lapas 40 ka pasahero ang nakuha sa Indonesian Navy gikan sa dagat ug padayon pang gipangita ang ubang mga pasahero nga gikahadlokang patay na usab.

Angay lang sigurong ipaubos sa refresher courses ang mga piloto sa maong airline companies lakip ang ilang mga ground crew kay basin naa kanila ang problema.

Angay usab manubag ang mga civil aviation authorities sa maong mga nasud tungod kay posibleng duna silay pagpasagad sa ilang trabaho pagsiguro nga airworthy kining maong mga abyon.

Nasayran nga human sa maong aksidente, laing tulo ka abyon sa AirAsia- (Zest Air) ang nalambigit sa minor trouble sud lang sa tulo ka adlaw, niadtong Martes sa hapon, mi-overshoot ang laing abyon niini nga Airbus 320 sa Kalibo Airport , wala hinuoy nasakitan sa mga pasahero niini.

Sa mosugot pa ug sa dili, ang maong mga nagsunod nga aksidente nakaapektar sa pagsalig sa mga sumasakay sa Malaysian airline company.

 

ANGAY EASTERN UKRAINE INDIAN OCEAN INDONESIAN NAVY JAVA SEA KALIBO AIRPORT KUALA LUMPUR
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with