Sundowners in action
SENIOR CITIZEN - A.M. Dela Serna (Banat) - July 25, 2014 - 12:00am

Mao kini ang ngalan sa kahugpongan sa mga senior citizens sa Banilad, dakbayan sa Sugbo, ubos sa pagpangulo ni Rene Aliño, aron paghulagway sa matuod nilang kahimtang diin ang tanang 318 ka sakop niini mga aktibo ug kanunay’ng “in action.”

Si Rene atong gikahinabi atol sa Senior Citizens Hour sa dyRC, ug atong nahibaw-an nga ang pundok sa mga senior citizens sa Banilad mugna kini ni kanhi Kapitan ug Konsehal Ananias Ouano, amahan ni City Councilor Leah Japson.

Kini maoy rason nga pinangga kuno kaayo ni Leah ang Sundowners in Action sa Banilad.

Aduna sila’y pundo karon sa bangko nga P319 mil ug walay palta ang immediate nila’ng paghatag sa mga hinabang ngadto sa ilang mga miyembro nga nagpakabana usab sa ilang kaakohan sa grupo sama sa P10  matag buwan alang sa sinking ug operational fund; P100 deposit mortuary fund; ug laing P100 voluntary contribution alang sa ma-ospital.

Ang uban mobayad sa tibuok tuig nga bayranan alang sa sinking fund. Sa mortuary, ihatag dayon ang hinabang nga P15,000 sa dili pa ang lubong, ug kun walay palta ang paghatag sa kontribusyon, iuli ang P100 nga deposit. Ug sa hospitalization, sa P100 nga deposit, P20 da ang kuhaon ini, ug dihadiha madawat ang P3,000, for a three-day hospitalization.

Ang matag sakop adunay index card, diin makita ang individual financial transactions, ug general ledger nga gihuptan sa Sundowners treasurer, kinsa mo-render og quarterly financial report ngadto sa mga sakop.

Ang mga miyembro magtagbo matag-ikatulong Domingo sa bulan, samtang ang mga opisyal matag ikaduha’ng Sabado sa bulan, diin, kabahin sa agenda, ang pagtuki sa mga applications for membership.

Kaubang opisyal ni Rene, sila si Priscilla de la Luna Vidal, 1st vice president; Patricio S. Opone, 2nd vice president; Monina G. Abellana, secretary; Alicia Laquinon, asst. secretary; Patricio Remedio, treasurer (since 2001);  Agapita Montes, Remedios Perpetua, asst. treasurers; Gema Torrecampo, auditor;

Olimpio Limana, Martin Ylanan, Regino Labitad, sgts-at-arms. Erlinda Arias, Lilia Ocba, Fidelina Gotinga, press & public relations officers. Ang mga previous presidents ug vice presidents sa kapunongan gumikan sa ilang kasinatian na sa pundok, awtomatik nga mahimong advisers. 

Sila si Alfredo Togono ug Norberto Dabalos mao karon ang incumbent nga mga adviser sa Sundowners in Action.

Sa sunod nga gula sa Senior Citizens Corner, atong masayran ang mga kalihokan sa Bacayan Senior Citizens Association nga gipangulohan ni Emma Cabilao. (Text # sa DYRC Senior Citizens Hour: 09227486687 matag Sabado, 5:00-6:00 pm.)

AGAPITA MONTES ALFREDO TOGONO ALICIA LAQUINON BACAYAN SENIOR CITIZENS ASSOCIATION CITY COUNCILOR LEAH JAPSON EMMA CABILAO ERLINDA ARIAS SENIOR CITIZENS HOUR
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with