Past due loans
SENIOR CITIZENS CORNER - A.M. Dela Serna (Banat) - February 28, 2014 - 12:00am

Duna koy lista sa mga past due loans, 19 ni ka ngalan, hinaut nga kadtong mga hingtungdan, mahinumdom sa ilang mga utang, ug maoy ilang hatagan sa unang mga pagtagad kining maong mga utang kay sa uban nilang mga utang.

Daghan kanato, lakip na ko, ang atong maingon nga nabuhi sa utang. In most instances, mangutang ta aron ibayad sa laing utang. Resulta: magtapun-og ang mga utang, ug maglisud na ta’g  bayad. Ingon niini kalisud ang atong kahimtang, despite sa ilang giingon nga economic boom sa tibuok nasud.

In my case, akong giuna pagbayad ang akong utang sa atong coop. Hinoon, ang akong gibayad wala nako utanga. Nangayo lang ko sa usa sa akong mga anak nga arang-arang ang kabutang. Besides, dili ko gusto nga modaghan ang mga past due sa atong coop, ug dili na hinoon makapahimulos ang uban. 

Sa ato nang gibalikbalik dinhi, usa sa mga hinungdan ngano nga daghang kooperatiba sa tibuok nasud ang nabangkarota … kini tungod sa mga past due loans. Sa atong kagamay dili pa ta maka-afford to incur a lot of past dues. Makapiang kini sa atong operation.

Hinaut nga sa atong pagsulat niini, mikunhod na ang talaan sa mga past due loans, aron makapalapad kita sa atong serbisyo ngadto sa atong mga kauban. 

Ug ato sad ipahinumdom dinhi nga kadtong igo lang nakabayad sa membership fee of P2OO, unta makatampo na sila pagpadaku sa capital contribution. Sa inyo nang nasayran, mahimo nga i-installment ang pagbutang sa P2OOO nga build up capital. Kini, aron maka-avail na sa tanang benepisyo nga ihatag sa kooperatiba.

Hinoon, despite sa mga past due loans, aduna kita’y igong pundo nga kapahulaman pa. Ayaw kabalaka. Aduna kitay Certificate of Good Standing gikan sa Cooperative Development Authority – CDA. Bisitahi lang ang atong opisina diha sa Cogon-Ramos Market. Ug mahimo usab nga magpa-schedule sa pre-membership seminar nga buot ninyong himuon sa inyong barangay. Kun mahimo, Sabado lang.

Laing hinungdan ngano nga daghang kooperatiba ang wala molambo mao nga kono: Filipinos, ikaw ug ako, are not prone to savings. Motuo ka ini?

In the meantime, Paminaw sa Senior Citizens Hour, 5:00-6:00 pm, matag Sabado, DyRC, 648 kHz, Tels. 4125249, 4125298.

 

ATONG CERTIFICATE OF GOOD STANDING COGON-RAMOS MARKET COOPERATIVE DEVELOPMENT AUTHORITY HINOON SABADO SENIOR CITIZENS HOUR UTANG
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with